Jańa túzetýlerge sáıkes, bir kandıdat endi birneshe okrýgten saılaýǵa túse almaıdy, sondaı-aq Májilis pen máslıhatqa qatarynan úmitker bolýǵa da tyıym salynady. Ákimdikke úmitkerler úshin mindetti saılaý qory qurý talaby engiziledi.
Sonymen qatar prezıdentke, depýtattarǵa, ákimderge jáne Ortalyq saılaý komıssııasy músheligine kandıdattar aýyr jáne asa aýyr qylmystar boıynsha sottalmaǵan bolýy tıis. Úgit-nasıhat júrgizý tártibi naqtylanyp, zańdy buzǵandarǵa ákimshilik jaýapkershilik qarastyrylyp otyr.
Zań jobasy saılaý rásimderin jetildirýge baǵyttalǵan.
«Konstıtýsııalyq zań jobasynyń maqsaty – saılaý ótkizý rásimderin jetildirýge jáne saılaý zańnamasynyń normalaryn saqtamaǵany úshin ákimshilik jaýapkershilik engizýge baǵyttalǵan», dedi Zańnama jáne sot-quqyqtyq reforma komıtetiniń tóraıymy Snejana Imasheva.
Joba aldaǵy ýaqytta parlamentte talqylanady.
