Foto: baq.kz
Ashat Qanatulynyń aıtýynsha, ár salanyń mamany áleýmettik jelide blog júrgizýine eshqandaı shekteý qoıylmaǵan. Dese de depýtat muǵalimderdiń jumysy balalarmen tyǵyz baılanysty bolǵandyqtan vıdeoda olardyń bet-beınesi aıqyn kórsetý qaýipti ekenin atap ótti.
«Muǵalim ár tárbıe saǵatyn rılsqa júktegenin qoldamaımyn. Birinshiden, balanyń bet-beınesin ruqsatsyz qoldaný, quqyn elemeý. Eger muǵalim balalardyń qatysýymen blog júrgizetin bolsa ata-anadan ruqsat alý kerek. Ekinshi, JI zamanynda oqýshynyń beınesin túrli jaǵdaıda paıdalanylýy múmkin. Úshinshi vıdeo túsirý oqý prosesine zııan keltirmeýi tıis», dedi Ashat Aımaǵambetov.
Tık tok, ınstagramdaǵy paraqshalaryn ózi júrgizetinin aıtqan Aımaǵambetov bul sharýa birshama ýaqytty talap etetinin, sondyqtan oqý-prosesine qatysty qandaı da bir esepti jelige júkteý talap etilse oǵan qosymsha aqy tóleýdi de qaperge alý kerektigin aıtty.
«Muǵalimderden qosymsha mundaı belsendilikti talap etý durys emes. Al eger pedagogtiń ózi ynta tanytsa, balanyń quqyǵy, ata-ananyń ruqsaty, qosymsha júktemeni alyp júrý men etıkalyq standarttardy attamaýy shart», dedi depýtat.
