Foto: Ashyq derekkóz
Saltanatty sharaǵa QR men Ulybrıtanııa Úkimetiniń ókilderi, sondaı-aq Cardiff University jáne Cardiff University Kazakhstan basshylyǵy qatysty. Qurmetti qonaqtardyń arasynda Qazaqstan Respýblıkasynyń Ǵylym jáne joǵary bilim mınıstri Saıasat Nurbek, Ulybrıtanııanyń Qazaqstandaǵy Tótenshe jáne О́kiletti Elshisi Sallı Aksvortı hanym, Cardiff University prezıdenti ári vıse-kansleri professor Vendı Larner, ýnıversıtettiń Bas operasııalyq dırektory jáne hatshysy, Cardiff University Kazakhstan dırektorlar keńesiniń tóraǵasy doktor Pola Sanderson, Cardiff University keńesiniń tóraǵasy Patrık Iаng, kampýs seriktesi Qualified Centre of Education qoǵamdyq qorynyń teń quryltaıshysy ári dırektory Qýanysh Kóshekbaev, sondaı-aq Cardiff University túlekteri men halyqaralyq uıym ókilderi boldy.
Cardiff University prezıdenti jáne vıse-kansleri Professor Vendı Larner elorda Astanada Cardiff University fılıalynyń ashylýy tarıhı oqıǵa ekenin atap ótti.
«Bul – ýnıversıtettiń alǵashqy sheteldik kampýsy. Biz Qazaqstandaǵy alǵashqy stýdentterimizdi qabyldaýdy taǵatsyzdana kútip otyrmyz. Russell Group quramynda Qazaqstanda kampýs ashý bizdiń jahandyq strategııamyzdyń mańyzdy bóligi. Qazaqstannyń halyqaralyq bilim berý ortalyǵyna aınalý bastamasyn qoldaı otyryp, bilimniń el damýynyń negizgi qozǵaýshy kúshine aınalatynyna senemiz. Bul kún – birlesken eńbektiń jemisi. Ásirese Qazaqstan Úkimetine kórsetken qoldaýy úshin rızashylyǵymdy bildiremin. Cardiff University Kazakhstan uzaq merzimdi yntymaqtastyqtyń bastaýy bolady dep senemin», dedi ol.
Cardiff University Bas operasııalyq dırektory jáne Cardiff University Kazakhstan dırektorlar keńesiniń tóraǵasy, doktor Pola Sanderson transulttyq bilim berý salasyn zertteýshi retinde Saıasat Nurbektiń Qazaqstanda iske asyryp otyrǵan strategııasyn erekshe baǵalaıtynyn aıtty.
«Bul bastama eldi aımaqtyq qana emes, jahandyq bilim berý ortalyǵyna aınaldyryp, bilimge negizdelgen ekonomıkanyń qozǵaýshy kúshi bolatynyna senemin. Cardiff University osy mańyzdy prosestiń bir bóligi bolǵanyn maqtan tutady», dedi Pola Sanderson.
Al Ulybrıtanııanyń Qazaqstandaǵy Tótenshe jáne О́kiletti Elshisi Sallı Aksvortıdiń aıtýynsha, bul joba eki el arasyndaǵy bilim salasyndaǵy yntymaqtastyqtyń jańa kezeńin ashady. Qazaqstandyq jastar endi álemdik deńgeıdegi brıtandyq bilimge qol jetkizip, memleketterdiń baılanysyn odan ári nyǵaıtady.
Aıta keteıik, Cardiff University halyqaralyq reıtıngterde dástúrli túrde joǵary oryndarǵa ıe. QS World University Rankings 2026 málimetinshe, ýnıversıtet álem boıynsha 181-orynda, al Complete University Guide 2026 tiziminde 22-orynǵa taban tiregen. 2025 jyldyń qyrkúıeginen bastap Cardiff University Kazakhstan stýdentterdi tórt jyldyq bakalavrıat baǵdarlamalary boıynsha qabyldaıdy: kompıýterlik ǵylymdar, bıznes basqarý, azamattyq qurylys jáne geologııa. Barlyq kýrstar aǵylshyn tilinde oqytylady, sabaqtardy Cardiff University jáne Cardiff University Kazakhstan professor-oqytýshylar quramy júrgizedi.
Ashylý rásimi eki eldiń mádenı baılanysyn aıshyqtaǵan arnaıy baǵdarlamaǵa ulasqan. Qonaqtar qazaqtyń ulttyq taǵamdarymen jáne vallıı táttilerimen tanysyp, arfada oryndalǵan dástúrli áýenderdi tyńdap, qazaqstandyq jáne vallıı mádenıetiniń sıntezin kórsetken óner qoıylymdaryn tamashalady.
