Jyl basynan beri qorǵa 5,2 trln teńge túsken. Onyń 2,5 trln teńgesi qordy basqarýdan túsken ınvestısııalyq tabys bolyp otyr. Halyqaralyq qarjy naryǵyndaǵy qolaıly jaǵdaı osy kiristiń ósýine yqpal etken.
Munaı salasyndaǵy kompanııalardan túsken tikeleı salyqtar shamamen 2,74 trln teńgeni quraǵan. Buǵan qosa, qorǵa korporatıvtik tabys salyǵynan 794,9 mlrd teńge jáne ónimdi bólý kelisimderi arqyly 799,5 mlrd teńge túsken.
Segiz aı ishinde Ulttyq qordan 3,8 trln teńge bólindi. Onyń ishinde 2 trln teńge respýblıkalyq bıýdjetke kepildendirilgen transfert retinde baǵyttaldy. Qalǵan 1,8 trln teńge nysanaly jobalardy qarjylandyrýǵa jumsalǵan.
Ulttyq bank tamyz aıynda qordan 420 mln dollar satqanyn habarlady. Bul qarjy respýblıkalyq bıýdjetti qoldaýǵa jáne Taldyqorǵan men Úsharal arasyndaǵy magıstraldyq gaz qubyrynyń qurylysyna paıdalanyldy.
