«Men Senatqa on jyl basshylyq ettim. Bul jumysty qashanda zor mártebe ári úlken jaýapkershilik dep sanadym. Sondyqtan maǵan osy minberden parlamenttik reforma týraly aıtý ońaı emes. Soǵan qaramastan men dál búgin elimizde kóp uzamaı bir palataly Parlament qurý týraly bastama kótergim keledi», – dedi Prezıdent.
Onyń aıtýynsha, bul – asa mańyzdy másele, sondyqtan asyǵystyqqa jol berilmeýi tıis.
«Bul reforma azamattyq sektorda, sarapshylar ortasynda, sondaı-aq, qazirgi Parlamentte jan-jaqty talqylanýy qajet. Reformanyń mán-mańyzy aıryqsha ekenin eskersek, ony talqylaýǵa bir jyl ýaqyt kerek dep oılaımyn», – dedi Qasym-Jomart Toqaev.
Memleket basshysy 2027 jyly jalpyulttyq referendým ótkizip, Konstıtýsııaǵa tıisti ózgerister engizýge bolatynyn aıtty.
«Men memlekettiń taǵdyryn aıqyndaıtyn barlyq másele halyqtyń kelisimimen ǵana sheshiledi dep buǵan deıin birneshe ret aıttym. Eger bir palataly Parlament qurý qajet degen ortaq sheshimge kelsek, ondaı Parlamentti tek qana partııalyq tizim boıynsha saılaǵan jón dep sanaımyn», – dedi Prezıdent.
