8 qyrkúıek 2025 jyly Energetıka mınıstri Erlan Aqkenjenov qazaqstandyqtardyń benzın baǵasynyń ósýine baılanysty qoıǵan saýaldaryna túsinikteme berdi.
«Bul jerde dollarǵa eshqandaı baılanys joq. Ishki suranys pen usynys bar. Reseıdegi jaǵdaıǵa baılanysty halyqta alańdaýshylyq týyndap otyr. О́ıtkeni bizde 7 myń shaqyrymnan astam ortaq shekara bar. Sondyqtan azamattarymyzdyń belgili bir deńgeıde ýaıymdaýy túsinikti», dedi ol.
Mınıstrdiń aıtýynsha, búginde AI-95 markaly benzınniń qory jetkilikti.
«О́tken aptada qorymyz 21 kúnge jetse, bıylǵy aptada 26 kúnge jetti. Qor kóbeıip jatyr, zaýyttar turaqty jumys istep tur. AI-92 markaly benzın boıynsha da jaǵdaı osyndaı. Reseıdegi jaǵdaı bizde qaıtalanady dep oılamaımyn», dedi Aqkenjenov.
Sonymen qatar ol mınıstrlik tarapynan benzındi elden shyǵarýǵa tyıym salý sharalary turaqty túrde uzartylyp otyrǵanyn eske saldy.
