Foto: Aqorda
Basqosýǵa «Amanat» partııasy fraksııasynyń jetekshisi Elnur Beısenbaev, «Aýyl» HDPP fraksııasynyń jetekshisi Serik Egizbaev, «Respublica» partııasy fraksııasynyń jetekshisi Aıdarbek Qojanazarov, «Aq jol» QDP fraksııasynyń jetekshisi Azat Perýashev, QHP fraksııasynyń jetekshisi Magerram Magerramov, JSDP fraksııasynyń jetekshisi Ashat Rahymjanov jáne Prezıdenttiń Parlamenttegi О́kildiginiń basshysy Ámirbek Ospanbekov qatysty.
Erlan Qarın Prezıdent Qasym-Jomart Toqaevtyń Parlament palatalarynyń birlesken otyrysynda jarııalaǵan Joldaýyndaǵy negizgi bastamalarǵa nazar aýdardy. Al fraksııa jetekshileri Joldaýdyń oryndalýyn baqylaý jáne zańnamalyq turǵydan qamtamasyz etý baǵytyndaǵy jumys jospary jóninde málimet berdi.
Jıynǵa qatysýshylar Memleket basshysynyń Joldaýda usynǵan parlamenttik reformasy týraly pikir almasty. Memlekettik keńesshi Prezıdenttiń jańa saıası bastamasy, eń aldymen, saıası júıeniń ınstıtýsıonaldyq negizderin odan ári nyǵaıtýǵa baǵyttalǵanyn atap ótti. Fraksııa jetekshileri Prezıdenttiń Parlamentti reformalaý jónindegi usynysyna qoldaý bildirip, aldaǵy qoǵamdyq talqylaýlarǵa belsene qatysýǵa daıyn ekenin jetkizdi.
Sondaı-aq Memlekettik keńesshi Prezıdenttiń Ulttyq quryltaıdyń IV otyrysynda bergen tapsyrmalaryn oryndaý aıasynda ázirlenip jatqan zań jobalaryn talqylady.
Kezdesý sońynda Erlan Qarın Prezıdent bastamalaryn iske asyrýǵa zańnamalyq turǵydan belsendi qoldaý kórsetkeni úshin partııalyq fraksııalarǵa alǵys aıtyp, aldaǵy ýaqytta da osyndaı tıimdi yqpaldastyq bolatynyna senim bildirdi.
