Sýret: gov.kz
Joldaýda el úshin mańyzdy máseleler kóterildi. Solardyń biri – ınvestısııalyq saıasatty qaıta qarastyrý. Prezıdenttiń sózine saı ınvestısııanyń negizgi bóligi shıkizat salasyna emes, óńdeý ónerkásibine, shaǵyn jáne orta bızneske, joǵary tehnologııalyq jobalarǵa baǵyttalýy qajet. Bul – elimizdiń ekonomıkalyq damýynyń jańa kezeńin bastaıtyn qadam. Osy turǵyda buǵan deıingi de Prezıdent tapsyrmasyna sáıkes Batys Qazaqstan oblysy kóleminde ınvestısııa tartý baǵytynda aýqymdy jumys atqaryldy. Degenmen bizdiń oblys áli de ınvestorlar úshin qolaıly jaǵdaı qalyptastyrýǵa, jańa óndiris oryndaryn ashýǵa jáne ınnovasııalyq jobalardy qoldaýǵa daıyn.
Prezıdent atap ótkendeı, jańa tehnologııany, sonyń ishinde jasandy ıntellekti engizý elimizdiń damýynda mańyzdy ról atqarady. Batys Qazaqstan oblysynda bul baǵytqa erekshe kóńil bólinip keledi. Jasandy ıntellektini tıimdi paıdalaný arqyly óńir ekonomıkasyn jańa deńgeıge kóterip, halyqtyń ómir súrý sapasyn jaqsartýǵa múmkindik beremiz.
Joldaýda Memleket basshysy elimizdiń saıası júıesin odan ári jetildirý qajettigin atap ótti. Sonyń ishinde Parlamenttiń bir palataly qurylymǵa kóshý máselesi erekshe aıtyldy. Bul bastama – zań shyǵarý úderisin jedeldetýge, depýtattardyń jaýapkershiligin arttyrýǵa, halyqtyń senimin kúsheıtýge baǵyttalǵan mańyzdy qadam. Bul ózgerister eldegi demokratııalyq ınstıtýttardy nyǵaıtyp qana qoımaı, óńirlerdiń damýyna da oń yqpalyn tıgizedi.
Prezıdent Joldaýy – elimizdiń damýyna tyń serpin beretin strategııalyq qujat. Onda qoıylǵan mindetterdi oryndaý – bárimizdiń ortaq paryzymyz. Biz Batys Qazaqstan oblysynyń turǵyndarymen birge el ıgiligi úshin aıanbaı eńbek etip, Memleket basshysynyń bastamalaryn júzege asyrýǵa belsene atsalysamyz.
Narıman TО́REǴALIEV,
Batys Qazaqstan oblysynyń ákimi
