Foto: Ashyq derekkóz
Onyń aıtýynsha, búginde elde jańa modelge ótýdiń daıyndyǵy bastalyp ketken. Jańa júıege sáıkes 6 jasar balalarǵa arnalǵan bir jyldyq daıarlyq kezeńi mektep baǵdarlamasyna engiziledi. Mundaı qadam ulttyq bilim berý júıesin halyqaralyq standarttarǵa jaqyndatýǵa, túlekterdiń daıyndyq sapasyn arttyrýǵa jáne olardyń sheteldik joǵary oqý oryndaryna tikeleı túsýine múmkindik berýge baǵyttalǵan.
«Qazirgi tańda bizdiń túlekter sheteldik ýnıversıtetterge qabyldaný úshin mindetti túrde foundation dep atalatyn bir jyldyq daıyndyq kýrstarynan ótedi. Bul olardyń ýaqytyn joǵaltýyna ákeledi. Eger biz 12 jyldyq júıeni zańnamalyq deńgeıde engizsek, túlekterimizge birqatar elde foundation qajet bolmaıdy jáne olar birden bakalavrıatqa túse alady», dedi vıse-mınıstr.
Gazeta.uz derekterine qaraǵanda, osyǵan qatysty Prezıdenttiń tıisti jarlyǵy ázirlenip qoıǵan. Qujatqa qosymsha túsindirme jazbada qazirgi 11 jyldyq oqý merziminiń halyqaralyq talaptarǵa sáıkes kelmeıtini, sondaı-aq mektep bitirýshilerdi júıeli daıarlaý tetikteriniń jetkiliksizdigi aıtylǵan. Sonyń saldarynan jyl saıyn shamamen 15 myń ózbekstandyq túlek shetelde qosymsha bir jyldyq foundation oqýyn ótýge májbúr.
Jańa reformaǵa sáıkes О́zbekstandaǵy bilim berý qurylymy mynadaı bolmaq:
- Bir jyldyq daıyndyq kezeńi;
- Tórt jyldyq bastaýysh mektep;
- Bes jyldyq negizgi orta bilim (5–9 synyptar);
- Eki jyldyq jalpy orta bilim, ony mektepterde, lıseılerde, áskerı ýchılıshelerde nemese tehnıkýmdarda jalǵastyrýǵa bolady.
Aıta keteıik, О́zbekstanda 2010 jyldan 2017 jylǵa deıin 12 jyldyq bilim berý júıesi bolǵan. Ol kezde oqytý «9+3» syzbasy boıynsha júrgizilgen. Iаǵnı, 9-synypty aıaqtaǵannan keıin oqýshylar kásibı kolledjderde nemese akademııalyq lıseılerde mindetti túrde oqýyn jalǵastyrǵan. Alaıda 2018 jyly úkimet bul tájirıbeni tıimsiz dep taýyp, qaıtadan 11 jyldyq oqý júıesine oralǵan edi.
