Sonymen qatar basqosýda bıylǵy 15–25 qarasha kúnderi Japonııanyń Tokıo qalasynda ótetin XXV Sýrdlımpıadaǵa ulttyq quramanyń daıyndyǵy talqylandy. Atalǵan jarysqa 80 elden 3 myńnan astam sportshy qatysady dep kútilýde. Qazaqstan ulttyq quramasy 8 sport túri boıynsha qatyspaq. Qazirgi tańda komanda 11 oqý-jattyǵý jıynyn ótkizip, sporttyq tamaqpen, dárýmendermen tolyq qamtamasyz etildi, sporttyq kıim-keshek pen arnaıy qural-jabdyqtar satyp alyndy. Sonymen birge árbir sportshynyń fızıkalyq daıyndyǵy men jaǵdaıyna taldaý jasalyp, yqtımal qarsylastar anyqtaldy.
«Memleket basshysy ınklıýzıvtilikke, sportty damytýǵa aıryqsha kóńil bólip keledi. Bıyl biz alǵash ret «Múgedektigi bar sportshyny súıemeldeýshi» uǵymyn zań júzinde bekittik. Búginde elimizde 19 paralımpııalyq sport túri belsendi damyp keledi, jyl saıyn 800-den astam jarys ótkiziledi. Sýrdlımpıadaǵa daıyndyq boıynsha memleket óz mindettemelerin tolyq oryndady. Daıyndyqtyń jekelegen máseleleri boıynsha qysqa merzimde sheshim qabyldaýdy tapsyramyn», dedi mınıstr.
Sondaı-aq mınıstr halyqaralyq tájirıbeni eskere otyryp, sýrdlımpııalyq sport túrlerin damytýdyń jol kartasyn ázirleý, ǵylymı negizderdi engizý, ásirese balalar men jasóspirimder sportyn damytý qajetin atap ótti.
