Soltústik Qazaqstan gir kóterýshileri Gınnestiń rekordtar kitabyna endi

PETROPAVL. 20 naýryz. Reseıdiń Arhangelsk qalasynda ótken  gir kóterýden halyqaralyq týrnırge qatysqan soltústikqazaqstandyqtardyń bári  álem chempıony atanyp,30 altyn medal oljalady. Bul týraly egemen tilshisi habarlady. Álemdik deńgeıdegi jarysqa 15 elden 200-ge  jýyq gir  kóterýshi jınalyp, ózara kúsh synasty. Qazaqstannyń namysyn 8 sańlaq qorǵasa,  úsheýi  Qyzyljar óńirinen keldi. Jetim jáne ata-analardyń qamqorlyǵynsyz qalǵan balalar   ınternatynyń tárbıelenýshisi  Vıktorııa Rogacheva  dodaly básekege alǵash ret qatysqanyna qaramastan jarty saǵat ishinde 10 kılolyq gir tasyn 377 ret kóterip,  óz salmaq dárejesi boıynsha jeńistiń eń bıik tuǵyryna kóterilgen. 63 jastaǵy  Erik Nurpeıisov elge 10 altyn medaldi moınyna taǵyp oraldy. «12 kılolyq gir tasyn eki qolmen kezek-mezek  440 ret kóterip, alǵashqy altyn medaldi ıelendim.  Odan ári ártúrli  atalymdar boıynsha saıysyp, ese jibergen joqpyn»,–deıdi  salamatty ómir saltyn serik etken dene shynyqtyrý pániniń muǵalimi. Bıyl alpysty alqymdap otyrǵan sport ardageri  Vıktor Saıko buǵan deıin  álem chempıony tájin birneshe márte utyp alsa, osy joly da  naǵyz sporttyq babynda ekenin tanytqan. Osylaısha soltústikqazaqstandyq úsh sportshy jalpy jıyntyǵy 30 altyn medal ıelenip, esimderi  Gınnestiń  rekordtar kitabyna jazyldy. О́mir Esqalı. Derek: egemen.kz Sýret: egemen.kz