Sondaı-aq reıd qorytyndysy boıynsha 900 ákimshilik quqyq buzýshylyq tirkelgen. Onyń ishinde usaq buzaqylyqpen –35, qoǵamdyq oryndarda mas kúıde júrgen 160 turǵyn ustalsa, turǵyn úılerdi aralaý kezinde 165 adamnyń tirkeýsiz turǵany, túngi ýaqytta 105 kámeletke tolmaǵan jasóspirimniń kóshede júrgeni anyqtaldy. Bul kúnderi jol qozǵalysy erejelerin buzýdyń 339 deregi tirkelgen.
Osy rette jaıaý júrginshilerdiń de, kólik júrgizýshileriniń de jol qozǵalysy erejeleri men kósheden ótý tártibin saqtaı bermeıtindigin atap kórsetken jón. Taratyp aıtqanda, 16 júrgizýshi mas kúıinde kólik basqarý kezinde ustalsa, 13 adamnyń júrgizýshi kýáligi bolmaǵan, 23 ret qarsy qozǵalys jolaǵyna shyǵyp ketip, jaıaý jolaýshylarǵa arnalǵan ótkelde júrgizýshiler 79 ret toqtamaı ótken.
Polısııa departamenti jaıaý júrginshiler tarapynan da kósheden ótý tártibi jıi buzylatyndyǵyn eskertip otyr. Sonyń dáleli, úsh kún ishinde kólik joldarynan ótý erejesin buzǵan 208 jaıaý júrginshi jaýapkershilikke tartyldy. Salystyra qaraǵanda, bul kólik júrgizýshiler jasaǵan buzýshylyqtardan eki esep kóp. Tártip saqshylary quqyqtyq tártip – ár azamattyń ortaq mindeti ekendigin eskerte otyryp, barlyq azamattardy qaýipsizdik talaptaryn qatań saqtaýǵa shaqyrady.
Aqtóbe oblysy
