Foto: aa.com.tr
Málimdemege sáıkes, Gaza qalasy men oǵan jaqyn aýdandarda baılanys qyzmetteri toqtaǵan. Izraıl qarýly kúshteri ınternet pen baılanysty qamtamasyz etip otyrǵan negizgi magıstraldyq jelilerdi atqylaǵandyqtan, júıe jumys istemeı qalǵan.
Soǵan qaramastan, ınjenerlik toptar jelini qalpyna keltirý úshin áreket etýde. Alaıda kýágerlerdiń aıtýynsha, Gaza qalasynyń kóp bóliginde ınternetke qosylý múmkin bolmaı tur.
Izraıl tarapy bir táýlik ishinde 50 áýe soqqysy jasalǵanyn habarlaǵan. Nysanalardyń basym bóligi qurlyqtaǵy operasııa bastalǵan Gaza qalasyna baǵyttalǵan.
Sonymen qatar, Izraıl kúshteri bosqyndar ornalasqan turǵyn úıler men kópqabatty ǵımarattardy qıratqany, al beıbit halyqty ońtústikke kóshýge májbúrleýge tyrysqany aıtyldy. Áskerıler ońtústikte shatyr, azyq-túlik pen medısınalyq kómek baryn alǵa tartqan.
