Eki kúnge sozylatyn sharaǵa elimizdiń barlyq óńirindegi 100-den astam Dostyq úıiniń, etnomádenı birlestikterdiń, memlekettik organdardyń ókilderi, sarapshylar men jastar qatysyp jatyr.
«Bizdiń ortaq mindetimiz – ár ulttyń dástúrlerin saqtap qana qoımaı, olardy jańa mazmunmen baıytyp, keler urpaqqa amanattaý. Dostyq úıleri – birlikti nyǵaıtýdyń, qoǵamdyq kelisim men etnosaralyq dıalogty damytýdyń negizgi tiregi. О́skemen qalasynda 33 jyl buryn Qazaqstandaǵy tuńǵysh Dostyq úıi ashylǵan edi. Búginde mundaı ortalyqtar elimizdiń túkpir-túkpirinde jumys istep keledi. Endigi maqsatymyz – osy mol tájirıbeni damytý túsý» dedi ShQO ákimi Nurymbet Saqtaǵanov.
Qazaqstan Halqy Assambleıasy tóraǵasynyń orynbasary Marat Ázilhanov Shyǵys Qazaqstandaǵy 8 Dostyq úıiniń qoǵamdy biriktirý mıssııasyn jemisti júzege asyryp otyrǵanyn atap ótti.
Kongresste etnosaralyq kelisimdi nyǵaıtý tetikteri talqylanyp, Dostyq úıleriniń úzdik tájirıbeleri ortaǵa salyndy.
Erteń de jalǵasatyn kongress Rıdder qalasynda qorytyndylanady. Onda «Assambleıa jastary» jastar mektebi ashyq dıalog, erkin pikir almasý formatynda ótip, etnosaralyq kelisimge qatysty aldaǵy jumystyń búge-shúgesi talqyǵa salynbaq.
Aıtqandaı, oblys ákimi О́skemende jańadan dostyq úıiniń ǵımaraty boı kóteretinin aıtty.
Shyǵys Qazaqstan oblysy
