Master of business administration qazaq tilindegi baǵdarlamasynyń negizin qalaýshylardyń biri, ekonomıst Maqsat Halyqtyń aıtýynsha, búgingi tańda elimizde kásibı menedjerler joqtyń qasy. Aıtýynsha, menedjer – olar tıimdilikti arttyrýǵa yqpal etedi. О́z isinen naqty nátıje óndire alatyn, kez kelgen iste naqty maqsatqa jete alatyn kásibı maman.
«Búgingi tańda úkimet, meıli bızneste bolsyn, qandaı da bir jobalyq jumystardy alyp qarasaq ta, kóptegen mamandar qatelikterge jol berip jatady. Jasap jatqan jumystarynyń kóp jaǵdaıda nátıjesiz bolyp jatqanyn baıqaımyz. Sondyqtan da árbir máseleniń aldyn alý, saldaryn tabý maqsatynda qazaq tilindegi MVA baǵdarlamasyn jasap shyqtyq. Osy baǵytta bilim alǵan mamandar sońǵy úsh jylda úlken nátıjege qol jetkizip otyr. Qazir kásipkerler, menedjerler, top-menedjerleri bolsyn bul baǵdarlamany úırenýi tıis. Aldaǵy ýaqytta salalyq menedjmentti damytatyn bolamyz. Ol qurylys naryǵy, kommýnıkasııa, mádenıet, óner salasy, kreatıvti ındýstrııany qamtıdy. Mysaly, elimizde kóptegen mádenıet oshaqtary, teatr, mýzeıler jumys istep jatyr. Osy mekemelerdiń jumys tıimdiligin arttyrý úshin osy salalyq menedjmenttiń róli joǵary bolmaq. Qazirgi tańda el ekonomıkasyn damytý úshin qarjy tehnologııalaryn meńgerý jáne bıznes transformasııa asa qajet» deıdi ekonomıst.
Qazaq tilindegi MVA baǵdarlamasynyń maqsaty zamanaýı top-menedjerler daıyndaý, kásipkerlerge basqarý tetikterin úıretý. Kásipker, mesenat Dýlat Tastekeı el ekonomıkasynyń damýyna kásibı menedjerlerdiń asa qajet ekenin atap ótti. Halyqaralyq ınjenerlik-tehnıkalyq ýnıversıtet bazasynda menedjmentti qazaq tilinde meńgerýge qolaıly múmkindiktiń týyp otyrǵanyn quptaı kelip, bilimniń shekarasyz ekene toqtaldy. Bıznestegi bilimin jetildirý tájirıbesimen bólisip, halyqaralyq baǵdarlamalardyń mańyzy týraly aıtyp berdi.
Maqsat Halyq osy oraıda sońǵy otyz jyl ishinde elimizde MVA orys, aǵylshyn tilinde oqytylyp kelgendigin alǵa tartty. Atap ótkendeı, qazaq tilindegi menedjment baǵdarlamasy ulttyq rýhy bar, zamanaýı damýǵa beıim, bıznes júrgize alatyn mamandardy oqytýǵa baǵyttalǵan.
«Bıznes kontenttiń qazaqylanýy ǵylymnyń da qazaqylanýyna jol salady. Búginde túrli apattardyń oryn alýy, álemdegi ahýal, geosaıası turaqsyzdyq jaǵdaıynda daǵdarysqa qarsy tura alatyn menedjerler qajet. Sondyqtan ózgeristerdi basqarý, rısk-menedjmentti bilý bıznes úshin paıdasy ushan-teńiz. Eger qajetti bilimdi meńgermese, saldary úlken shyǵynǵa alyp keletini anyq. Búginde MVA baǵdarlamasyna oqytatyn ýnıversıtetterdiń qatary jıyrmaǵa jýyq bolsa, onyń úsheýinde ǵana qazaq tilinde bilim beredi. Báseke týǵan jerge sapa da bolady» dep atap ótti.
Qazaq tilinde oqytylatyn iskerlik ákimshilik magıstr baǵdarlamasy aıasynda aldaǵy ýaqytta salalyq menedjerlerdi daıyndaý boıynsha balama baǵdarlama jasalatyn bolady. Maqsat halyqtyń aıtýynsha, búginde Orta Azııada úlken ekonomıkalyq ósim paıda bolyp jatyr. Álem nazary Orta Azııaǵa aýyp, alpaýyt kompanııalar, bankter ınvestısııa quıa bastady. Aýmaqtaǵy halyq sany 100 mln jýyqtady. Iаǵnı, naryq óte jyldam, qarqynmen damyp barady. Bul jerde Qazaqstannyń da alar orny erekshe. Osy oraıda aldaǵy ýaqytta Orta Azııaǵa bilikti menedjerlerge suranys arta túsetini anyq. Osy oraıda bıznestegi menedjmentke suranys arta túskendigin qaperge aldy.
Munda bilim alýshylarǵa qos dıplomdy baǵdarlama usynylyp otyr. Onyń aıasynda Shveısarııamen birlesken bilim berý baǵdarlamasy iske asady. Bul halyqaralyq tájirıbeni ulttyq ortaǵa beıimdeýge yqpal etedi.
ALMATY
