Aýqymdy jarys bıyl 14-shi ret ótkizilip, kásipqoılar men áýesqoılardy 10-nan 42,2 shaqyrymǵa deıingi qashyqtyqta jarys jolyna tústi.
Jyl ótken saıyn Almaty Marathon aýqymy keńeıip keledi.
Mysaly, 2012 jyly alǵashqy saıysqa birneshe myń adam ǵana qatyssa, búginde álemniń 60-tan astam elinen 16 myń qatysýshy keldi. Bul marafon tarıhyndaǵy eń joǵarǵy kórsetkishterdiń biri.
Sonymen jaımashýaq Almaty tańsáriden merekelik ahýal ornap, kóńildi mýzyka, sportshylardyń jarqyn kúlkisi men júzdegen eriktiniń qoldaýy erekshe kóńil-kúı syılaıdy.
«Men Almaty Marathon-ǵa alǵash ret qatysyp, ózimniń tózimdiligimdi tekserip, ózimdi synap kórgim keldi. 10 shaqyrym qashyqtyqty tańdadym»,- deıdi Álimurat Begenov.
«Men birneshe apta buryn ǵana júgire bastadym. Men de ózimdi synap, kedergilerdi jeńýge bel býdym. Búgin kóshe boıymen 10 shaqyrym júgiremin. Men júgirý klýbyndamyn jáne meniń janymda kóptegen áriptesim men dosym bar. Barlyǵyna sáttilik tileımin!»,- dedi bloger Nıkıta Sygankov.
«Men úshin bul ekinshi marafon. Byltyr birinshi ret qatysyp kórgenmin. Salaýatty ómir saltyn ustanamyn, dáriger bolyp jumys isteımin, al marafonǵa dosymmen birge keldim», - deıdi Dına Káribaeva.
Alatau aqparat medıa holdınginiń «Vechernıı Almaty» gazetiniń jýrnalısi Aıgúl Kolýmbetova ekinshi ret 10 shaqyrym qashyqtyqqa shyqty. Ol taǵy da holdıngtiń sporttyq jetistikteriniń qorjynyna medal alyp, marafonǵa qatysý onyń dástúri men shabyt kózi bolǵanyn atap ótti.
«Men úshin marafonǵa qatysý bul jaı ǵana sport emes. О́tken jyly men birinshi ret qatysyp, ózimdi synap kórdim. Al búgin qatarynan ekinshi ret saıysqa shyǵyp, medalmen qaıta oraldym. Bul ári qaraı júgirýge shabyt beredi »,- dedi Aıgúl Kolýmbetova.
Qazaqstandyqtarmen qatar sheteldik júgirýshiler de jarysqa shyqty. Olardyń arasynda fılıppındik Djona Florıda bar.
«Myńdaǵan adammen birge júgirý keremet sezim. Atmosfera shabyttandyrady jáne kórermenderdiń qoldaýy ár shaqyrymdy erekshe etedi. Maǵan Almaty qatty unady. Men munda taǵy bir ret kelýdi josparlap otyrmyn. Men osy marafonnyń bir bóligi bolǵanyma qýanyshtymyn».
Uıymdastyrýshylar medısınalyq qoldaýǵa erekshe nazar aýdardy. Baǵyt boıynsha 13 medısınalyq pýnkt jumys isteıdi, 12 jedel járdem kóligi, 10 velodoktor jáne 90-ǵa jýyq medısınalyq eriktiler kezekshilik etedi. Munyń bári qajet bolýy múmkin kez kelgen adamǵa kómek kórsetýge múmkindik beredi.
Jol boıyndaǵy kórermender jarysua qıqý qosyp, júgirýshilerge marshrýtty jeńil baǵyndyrýǵa qulshyndyrady.
Almaty Marathon-2025 bul jaı ǵana sporttyq jarys emes, salaýatty jáne belsendi ómir saltyna qalyptastyrýda myńdaǵan adamdy biriktiretin erekshe oqıǵa ekenin taǵy da dáleldedi. Sonymen qatar, marafon ondaǵan elden sportshylar men áýesqoılardy jınap, Almatynyń óńirdiń marafon ortalyǵy retindegi pozısııasyn nyǵaıtýda. Megapolıs Ortalyq Azııadaǵy eń iri júgirý ortalyǵy mártebesin taǵy da rastady.
