Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, jergilikti bıýdjet qarajatynan 1 mıllıard teńgeden astam qarjy bólinýi josparlanǵan. Oblys boıynsha 70 jastan asqan 51 648 adamǵa birjolǵy tólem jasalady.
«Qaraǵandy, Balqash, Prıozersk, Saran, Temirtaý qalalarynda, sondaı-aq Abaı, Aqtoǵaı, Buqar jyraý, Qarqaraly, Nura, Osakarov jáne Shet aýdandarynda zeınetkerlerge 20 myń teńgeden beriledi. Al Shahtınskide zeınetkerlerdiń esepshotyna 10 myń teńgeden aýdarylady», delingen habarlamada.
Mundaı aıyrmashylyqtyń sebebi naqty kórsetilmegen.
Aıta keteıik, taǵy bir ózgeshelik bar: Balqash, Aqtoǵaı, Nura jáne Osakarov aýdandarynda birjolǵy kómek 70 jastan asqan adamdarǵa tólense, qalǵan qala-aýdandarda – 75 jastan asqan zeınetkerlerge qarastyrylǵan.
Sonymen qatar, Qaraǵandy oblysynyń barlyq óńirinde demeýshilik qoldaý esebinen azyq-túlik sebetterin taratý, tegin túski as uıymdastyrý, túrli taqyryptyq sharalar sııaqty qaıyrymdylyq aksııalary ótkiziledi. Nysanaly top – úıde áleýmettik kómek alatyn qyzmetkerler men Belsendi uzaq ómir súrý ortalyqtarynyń qatysýshylary.
«Birjolǵy tólem somacy zeınetkerdiń esepshotyna ózdiginen túsedi, qosymsha áreketter jasaý qajet emes. Qandaı da bir kodty surap, talap etetin alaıaqtardan saq bolý kerek», dep eskertti basqarma.
Eske sala keteıik, 1 qazan – Halyqaralyq qarttar kúni.
