Fýtbol • 30 Qyrkúıek, 2025

«Qaırat» – «Real Madrıd» matchy dárigerlerdiń baqylaýynda bolady

50 ret

kórsetildi

1 mın

oqý úshin

Búgin Almatyda ótetin Chempıondar lıgasynyń toptyq kezeńindegi «Qaırat» pen «Real Madrıd» arasyndaǵy match barysynda táýlik boıy medısınalyq baqylaý uıymdastyrylady. Qalalyq Qoǵamdyq densaýlyq basqarmasy osy maqsatta stadıon aýmaǵyna bes jedel járdem brıgadasy qoıylyp, árqaısysy kez kelgen jaǵdaıǵa jedel áreket etýge daıyn, dep habarlaıdy Egemen.kz.

Aınash ESALI

«Qaırat» – «Real Madrıd» matchy dárigerlerdiń baqylaýynda bolady

Almaty qalasy Qoǵamdyq densaýlyq basqarmasynyń málimetinshe, medısınalyq quram iri sporttyq jáne buqaralyq is-sharalarda tájirıbesi mol joǵary bilikti mamandardan jasaqtalǵan. Brıgadalar trıbýna mańynda jáne kireberis jaqta ornalasyp, uıymdastyrýshylarmen jáne qaýipsizdik qyzmetimen turaqty baılanysta bolady.

Uıymdastyrýshylardyń aıtýynsha, barlyq shara jankúıerlerdiń qaýipsizdigi men jaılylyǵyn qamtamasyz etýge baǵyttalǵan. Bul match qonaqtarynyń Almatydaǵy osynaý jarqyn ári kópten kútken sporttyq oqıǵany alańsyz tamashalaýyna múmkindik beredi.