Bilim salasyndaǵy endaýment qorynyń mańyzy

Sharaǵa EUÝ-dyń strategııalyq damý jáne ınternasıonaldandyrý jónindegi prorektory Dýman Aıtmaǵambetov moderatorlyq etti.

Forýmnyń negizgi baǵyty – maqsatty qorlardy damytý strategııasyn, olardyń tanymal­dylyǵyn arttyrý jáne qoldaýdy talqylaý, sondaı-aq endaýment qorlarynyń qazirgi álemdegi mańyzy men rólin anyqtaý.

Jıynda álemdik sarapshylar bilim júıesiniń turaqty damýyn qamtamasyz etý úshin endaýment qorlarynyń tıimdi qyzmetin nyǵaıtý men ilgeriletý tájirıbelerimen bólisti.

Is-sharada alǵashqy bolyp sóz alǵan L.N.Gýmılev atyndaǵy Eýrazııa ulttyq ýnıversıteti­niń rektory Erlan Sydyqov fo­rým­ǵa qatysýshylardy elimizde maq­satty kapıtal qorlary men endaýment qorlary týraly zańnyń qabyldanýymen quttyqtady. Al Ǵylym jáne joǵary bilim vıse-mınıstri Gúlzat Kóbenova elimizde qazirgi ýaqytta 22 en­daýment qory bar ekenin, olar­dyń 15-i bilim salasynda jumys isteıtinin, kapıtaldyq qory ortasha eseppen bir mıllıard teńgeden tómen ekenin jetkizdi. Sondaı-aq 2029 jylǵa qaraı endaýment qorlarynyń jalpy kapıtalızasııasyn 50 mıllıard teńgege deıin jetkizý josparlanǵanyn aıtty.

Mınnesota ýnıversıtetiniń damý jónindegi dırektory Sıý­zan Holter strategııalyq qordy damytýǵa arnalǵan donorlyq pıramıda úlgisin tanystyryp, donorlarmen senimdi qarym-qatynas ornatý jolyn usyn­dy. Potanın qaıyrymdylyq qorynyń bas dırektory Oksana Oracheva Reseıdegi endaýment­ter­di damytý tájirıbesimen bóli­sip, memlekettik qoldaý men tanymal­dylyqty arttyrýǵa erekshe nazar aýdardy.

Forým barysynda Mıchıgan ýnıversıtetiniń ókili Djon D.Branch turaqty ýnıversıtet ósý strategııasyn, Máskeý memle­kettik halyqaralyq qatynas­tar ınstıtýty (MGIMO) da­mý qorynyń dırektory Marı­na Petrova túlekter men bız­nes qaýymdastyǵyn en­daý­ment­ke tartý joldaryn, Nazar­baev ­ýnı­versıtetiniń áleýmet­tik damý korporatıvtik qorynyń basqar­ma tóraǵasy Saıat Núsi­pov endaý­ment qorlarynyń álem­degi mańyzy ­men ornyn baıanda­dy. Sonymen qatar Poznandaǵy Adam Mıskevıch ­ýnı­versıteti­niń ókilderi, «Cheng­wei Capital Evergreen Fund» jáne «Berik and Bayan Kaniyev Scholarship» baǵdarlamasynyń dırektor­lary tájirıbeleri men usynys­ta­ryn ortaǵa saldy.

Azamat QUSAIYN