SÝRET: martok-tynysy.kz
Uldar arasynda asa jeńil salmaqta kúresip júrgen Talǵat Orynbasardyń esimi kópshilikke jaqsy tanys. Aldymen jasóspirimderdiń álemdik saıysynda qola medal ıelenip, 2023, 2024 jyldary jastar jarysynda da sol nátıjeni qaıtalaǵan balýan byltyr Dýshanbedegi dodada serbııalyq Matıý Jeremık pen qyrǵyz Adıs Orozmamatovty jolynan yǵystyryp, shırek fınalda tájik Loık Kýdbýddınovke ese jiberdi. Odan keıin ıtalııalyq Vınchenso Manferlottı men ázerbaıjandyq Nızamı Imranovty utyp, úshinshi satyǵa taban tiredi. Bul joly jankúıerler Talǵattan altyn medal kútedi. Tájikstannyń bas shaharynda ótken chempıonatta Talǵattan bólek 81 kg salmaqta synǵa túsken Azat Kúmisbaı da qola medalǵa qol jetkizgen bolatyn.
Sondaı-aq Teljan Sultanbaı (60 kg), Aqyljan Jubatqanov, Qaıyrhan Ábdirahman (66 kg), Omar Nurbergenov (73 kg), Danııl Krylov, Arman Bilálhanov (90 kg), Asqar Berjanov (100 kg), Jantilek Nurtilepuly (+100 kg) beldesedi.
Qyzdar saıysynda Tasnım Ábdýáli, Sabına Iýldashbekova (48 kg), Nuraılym Sársenbek, Aıaýlym Qaırat (52 kg), Dana Ábdirova (57 kg), Dilnaz Dosbergen (63 kg), Kórkem Orymbek (70 kg), Anastasııa Nagachevskaıa men Saltanat Ahmetovaǵa (+78 kg) senim artylyp otyr.
