Sýret: rb1ncm.ru
- Úndistannyń Ahmedabadynda sý sportynan Azııa chempıonaty aıaqtaldy. Qurlyqtyń myqtylary bas qosqan jarysta elimizdiń quramasy 10 júldege qol jetkizdi. Jalǵyz altyndy Ádilbek Mýsın jeńip aldy. Ol 50 metrge batterflıaı ádisimen júzýde aldyna jan salmady. Maksım Skazobsov (100 metr, batterflıaı), Sofııa Ábýbákirova (50 metr, shalqalaı júzý; 50 metr, batterflıaı), Gleb Kovalenıa (50 metr, erkin tásil), Aıbat Myrzamuratov (50 metr, brass) kúmispen kúptelse, Sofıa Spodarenko (100 metr, batterflıaı), Maksım Skazobsov (50 metr, batterflıaı), Sofıa Spodarenko (50 metr, batterflıaı), 4h100 metrlik estafetada elimizdiń quramasy qolaǵa qol jetkizdi.
- Fýtboldan 2027 jylǵy jastar arasyndaǵy (U-20) álem chempıonaty О́zbekstan men Ázerbaıjanda ótedi. Bul aqparatty Halyqaralyq fýtbol qaýymdastyǵy (FIFA) taratyp otyr.
- Reseılik fýnksıoner Ýmar Kremlev jetekshilik etetin Halyqaralyq boks qaýymdastyǵy (IVA) erler arasyndaǵy II álem chempıonaty 2–13 jeltoqsan aralyǵynda Dýbaıda ótetinin resmı túrde jarııa etti. Jarystyń júlde qory mol. Aıtalyq, chempıondyq ataqqa qol jetkizgen sańlaqtar 300 000 AQSh dollaryn ıelenedi. Júldeli oryndardy oljalaǵandar 150 000 men 75 000 dollardy enshileıdi. Tipten besinshi orynǵa taban tiregen bylǵary qolǵap sheberlerine de syıaqy qarastyrylǵan. Olar 10 000 dollardan alady. Joǵaryda atalǵan somanyń teń jarysy boksshyǵa berilse, qalǵanyn jeke bapkeri men sol eldiń ulttyq federasııasy ózara bólisedi.
