Premer-Mınıstr Oljas Bektenovtiń tóraǵalyǵymen ótken otyrysta medısınalyq kómektiń qoljetimdiligi men sapasyn arttyrý baǵytyndaǵy jumystar talqylandy.
«Memleket basshysynyń tapsyrmasy boıynsha mindetti áleýmettik medısınalyq saqtandyrý júıesin jańǵyrtý qolǵa alyndy. Tıisti jumys júrip jatyr. Ol medısınalyq kómektiń qoljetimdiligi men sapasyn arttyrýǵa múmkindik beredi», dedi Úkimet basshysy.
Bıyl shilde aıynda qabyldanǵan zań MÁMS júıesin jetildirýge baǵyttalǵan. Ol medısınalyq kómektiń biryńǵaı paketine jáne saqtandyrý modeline kezeń-kezeńimen kóshýdi qamtamasyz etedi. Jańa zań aıasynda kórsetiletin qyzmetterdiń sapasy men kólemi keńeıip, densaýlyq saqtaý salasynyń uzaqmerzimdi qarjylyq turaqtylyǵyn nyǵaıtý kózdelip otyr.
