О́tkensiz bolashaq joq

Ál-Farabı atyndaǵy Qazaq ulttyq ýnıversıtetinde  ıadrolyq qarýǵa qarsy Halyqaralyq Nevada-Semeı qozǵalysynyń 25 jyldyǵyna arnalǵan «Vspomınaıa, dýmaı o býdýshem» atty kitaptyń tusaýkeseri ótti.  Sharany QazUÝ  rektory Ǵalym Mutanov ashty. Ol qazaq eliniń yqylym zamannan-aq nebir náýbet, zulmatty bas­tan ótkergendigin, Semeı polıgonynan zardap shekken jankeshtilerdiń tek qurmetke ǵana laıyq ekendigin aıta otyryp, Halyqaralyq Nevada-Semeı qozǵalysynyń IýNESKO-nyń sheshimimen  «Álem estelikteri» atty Álemdik reestrge engenin maqtanyshpen tilge tıek etti. Iаdrolyq synaq beıbit kúnde san myń adamdy jalmady. Radıasııanyń kesirinen jarty mıllıonnan astam adam zardap shekti. Myńdaǵan adamdy densaýlyǵynan aıyryp, ómirine qaýip tóndi. Búginde ıadrolyq tozaq otynan tiri qalyp, aramyzda júrgen baýyrlarǵa qarasý, áleýmettik kómek kórsetý, olardy dáripteý, óskeleń urpaqqa ulyqtaý – bizdiń azamattyq paryzymyz. «Vspomınaıa, dýmaı o býdýshem» atty kitaptyń avtorlary – osy  Semeı polıgonynan zardap shekken jandar, jyldar boıy damylsyz ajal sepken ajdahanyń aýzyna máńgilik qum quıǵandar. Olar qashanda qurmetke laıyq, maqtaýǵa emes, maqtanýǵa turarlyq desek artyq aıtqandyq emes. Sondaı-aq, jıyn barysynda osy keshtiń ótýine uıytqy bolǵan «Nevada-Semeı» qozǵalysynyń jetekshisi, belgili pýblısıst, dıp­lomat, qoǵam qaıratkeri  Oljas Omaruly:  «Búgin elimizdiń eń bedeldi joǵary oqý ornynda res­pýblıka boıynsha alǵash ret lıngvıstıkalyq ǵylymı-zertteý ortalyǵy ashylyp otyr. Biz bas qosyp otyrǵan «Vspomınaıa, dýmaı o býdýshem» atty kitapty jazýǵa atsalysqandar – «Nevada-Semeı» qozǵalysyn kórgender, tikeleı qatysýshylary», – dep atap ótti. Kesh barysynda jazýshy, áde­bıettanýshy, Qazaqstannyń qoǵamdyq-saıası qaıratkeri Oljas Súleımenovtiń shyǵar­mashylyǵy da nazardan tys qalmady. Fılo­logııa, áde­bıet­taný jáne álem tilderi fa­kýltetiniń 3-kýrs stýdenti Sáken Esengeldıev aqynnyń «Adamǵa tabyn, jer, endi» óleńin jatqa oqysa, jýrnalıs­tıka fakýltetiniń 3-kýrs stý­den­ti Arman Qudaıbergen óz shy­ǵarmashylyǵynan «Arnaý» óleńin joldady. Juldyz ÁBIL. Almaty.