Foto: egemen.kz/ Erlan Omar
Jańa bıznes-ıdeıalardy iske asyrýǵa 5 mıllıon teńge beriledi.
Bul baıqaýǵa tizilimge engizilgen áleýmettik kásipkerler, sondaı-aq «Bir aýyl – bir ónim» baǵdarlamasynyń fınalısteri qatysa alady. О́tinimder tek onlaın formatta, kezekte.kz platformasy arqyly qabyldanady. Úmitkerler 2025 jyldyń 15 qazanynan 20 qazanyna deıin ótinim berýi tıis.
Grant alý úshin kásipkerler kelesi talaptarǵa saı bolýy kerek:
• jobany keminde 20% kóleminde óz qarjysymen birlesip qarjylandyrý;
• jańa jumys oryndaryn qurý;
• jobany júzege asyrýǵa arnalǵan ınfraqurylym men ınvestısııalyq jospar bolýy kerek.
Jeńimpazdar qarjyny negizgi quraldar men shıkizatty satyp alýǵa, materıaldyq emes aktıvter men tehnologııalardy, franchaızıng (keshendi kásipkerlik lısenzııa) satyp alýǵa jumsaı alady. Ǵylymı-zertteý jáne jańa tehnologııalardy engizý shyǵyndaryn da óteýge ruqsat beriledi.
Bıznes-jobany iske asyrý merzimi grant shartyna qol qoıylǵan kúnnen bastap 18 aıdan aspaýy tıis.
Eger kórsetilgen merzim ishinde kásipkerlik qyzmet júzege aspasa nemese negizgi qural satylyp, balamaly múlikpen aýystyrylmasa, kásipker alynǵan qarajatty tolyq kólemde qaıtarýǵa mindetti.
Uıymdastyrýshy: Astana qalasynyń ınvestısııalar jáne kásipkerlikti damytý basqarmasy.
Elektrondyq poshta: b.kasymov@astana.kz
Telefondar: 55-69-03, 55-69-19, 55-69-21, 55-69-10.
Qala ákimdigi grant qarajatyn basqa maqsattarǵa paıdalanýǵa qatań tyıym salynatynyn eskertip otyr.
