Foto: x.com/@NobelPrize
Bıylǵy Nobel syılyǵynyń jartysy amerıkalyq Soltústik-Batys ýnıversıtetiniń professory Djoel Mokırge buıyrdy. Qalǵan jartysyn fransýz ekonomısi, Kollej de Frans professory Fılıpp Agıon men London ekonomıka mektebiniń ókili Pıter Hoýıtt ózara bólisti. Úsheýi de ınnovasııalar qoǵamnyń damýynda negizgi qozǵaýshy kúsh ekenin dáleldep, ekonomıkalyq ósimniń uzaq merzimdi sıpatyn túsindirgen.
Shved ǵylym akademııasynyń málimdeýinshe, «sońǵy eki ǵasyrda álem tarıhta tuńǵysh ret turaqty ekonomıkalyq ósim kezeńin bastan keshirdi. Bul mıllıardtaǵan adamdy kedeılikten shyǵaryp, qazirgi órkendeýimizdiń negizin qalady».
О́tken jyly ekonomıka salasyndaǵy Nobel syılyǵyn Daron Asemoglý, Djeıms Robınson jáne Saımon Djonson alǵan edi. Olardyń eńbekteri elderdiń nege ártúrli qarqynmen damıtynyn jáne ne sebepti keı óńirlerde tehnologııalyq progress molshylyq ákelse, keı jerlerde paıdasyz qalyp qoıatynyn túsindiredi.
Esterińizge sala keteıik, 6 qazanda bastalǵan Nobel aptalyǵynda alǵashqy marapat fızıologııa jáne medısına salasynda ımmýnıtetti zerttegen ǵalymdarǵa berildi. 7 qazanda fızıka salasyndaǵy syılyq AQSh ǵalymdaryna buıyrdy. 9 qazanda ádebıet salasynyń laýreaty bolyp vengr jazýshysy Laslo Krasnahorkaı ataldy. 10 qazanda beıbitshilik salasyndaǵy Nobel syılyǵy Venesýelalyq saıasatker Marııa Korına Machadoǵa tabystaldy.
