Foto: Zakon.kz
Bıyl 16 shildede Memleket basshysy qylmystyq zańnamany ońtaılandyrý máseleleri jónindegi Zańǵa qol qoıdy. Osy zańmen neke qııýǵa májbúrleý úshin qylmystyq jaýaptylyq engizilgen (QK-tiń jańa 125-1-baby).
Eger áıel urlanyp, kúsh qoldaný qaýpimen nemese múlkin joıý ne búldirý qaterimen neke qııýǵa májbúrlense, kináli adamǵa 2000 AEK-ke deıin aıyppul salý, ne dál sol mólsherde túzeý jumystaryna tartý, ne 2 jylǵa deıingi merzimge bostandyǵyn shekteý, ne sol merzimge bas bostandyǵynan aıyrý túrindegi jaza kózdelgen.
Abaısyzda aýyr zardaptar týyndaǵan jaǵdaıda – kináli adam 5 jyldan 10 jylǵa deıin bas bostandyǵynan aıyrý jazasyna tartylady.
«Neke qııýǵa májbúrleý derekteri boıynsha alǵashqy qylmystyq ister Shymkent jáne Qyzylorda oblysynda tirkelgen. Aıta keterligi, eki jaǵdaıda jábirlenýshiler kámeletke tolmaǵandar bolǵan», delingen habarlamada.
Tergeý jalǵasyp jatyr jáne prokýratýra organdarynyń baqylaýynda tur.
