Oqıǵa aýdandyq aýrýhananyń juqpaly aýrýlar bólimshesine birdeı belgilermen jeti adam túskennen keıin belgili bolǵan. Aldyn ala tekserý nátıjesine sáıkes, olardyń jaǵdaıynyń nasharlaýyna taǵamnan ýlaný sebep bolýy múmkin.
«Ereımentaý aýdanynyń ýchaskelik polısııa ınspektory oqıǵa týraly tıisti qyzmetterge dereý habarlaǵan. Tergeý barysynda zardap shekkenderdiń barlyǵy bir is-sharaǵa qatysqany anyqtaldy. Atalǵan fakti boıynsha «Sanıtarlyq erejelerdi nemese gıgıenalyq normatıvterdi buzý» baby boıynsha sotqa deıingi tergeý bastaldy. Quqyq qorǵaý organdary ýlanýdyń kózin jáne kináli tulǵalardy anyqtap jatyr», delingen Aqmola oblysy polısııa departamentiniń baspasóz qyzmeti taratqan habarlamada.
Aıta ketý kerek, bıylǵy jyldyń basynan beri aýdanda sanıtarlyq normalardyń buzylýyna baılanysty osyǵan uqsas eki jaǵdaı tirkelgen.
