Foto: «QazAvtoJol»
Joba Qytaı Eksport-ımport bankiniń jáne Respýblıkalyq bıýdjetten birlesip qarjylandyrý arqyly júzege asyrylǵan. Qaıta jańartý jumystary Abaı jáne Shyǵys Qazaqstan oblystarynyń aýmaǵyndaǵy 10 ýchaske men 2 jol paıdalaný bólimshesin qamtyǵan.
Ýchaskelerde negizgi qurylys jáne asfaltbeton tóseý jumystary tolyǵymen aıaqtalǵan. Al jol boıyndaǵy ınfraqurylymdy abattandyrý qarasha aıynyń sońynda aıaqtalady.
«QazAvtoJol» ulttyq kompanııasy ol qurylysyna negizinen otandyq qurylys materıaldary men jergilikti jumys kúshi paıdalanylǵanyn málimdedi.
Jol qurylysy úshin 2,4 mln tonna asfaltbeton qospasy óndirilip, 1,3 mln tekshe metr qıyrshyq tas paıdalanylǵan. Sondaı-aq, shamamen 1100 birlik jol-qurylys tehnıkasy jáne 1800-den astam maman tartylǵan.
Qaıta jańartý aıasynda 37 kópir, 2 jol ótkeli, 2 kólik aıryǵy, 349 sý ótkizý qubyry, 5 demalys alańy jáne 2 sanıtarlyq-gıgıenalyq torap salynǵan.
«Qalbataý – Maıqapshaǵaı» tasjoly elimizdiń kólik salasynyń mańyzdy bóligi. Bul jol Qazaqstannyń ortalyq jáne shyǵys óńirlerin Qytaı Halyq Respýblıkasynyń shekarasymen baılanystyrady. Jobanyń júzege asyrylýy tranzıttik áleýetti arttyrýǵa, óńiraralyq jáne halyqaralyq baılanysty nyǵaıtýǵa, jol qozǵalysy qaýipsizdigin qamtamasyz etýge jáne azamattar úshin qolaıly jaǵdaı jasaýǵa múmkindik beredi. Bul – elimizdiń ekonomıkalyq turaqty damýyna baǵyttalǵan jol ınfraqurylymyn jańǵyrtýdyń keń aýqymdy jumysynyń nátıjesi», dedi «QazAvtoJol» ulttyq kompanııasynyń basqarma tóraǵasy Darhan Imanashev.
