Grant ıegerleriniń eń kóp bóligi Talǵar aýdanynda tirkeldi — bul aýdan joǵary oqý oryndaryna túskender sany boıynsha kósh bastap tur. Sondaı-aq Ile, Eńbekshiqazaq, Qarasaı aýdandary men Qonaev qalasynyń kórsetkishteri de joǵary.
Mamandyqtar boıynsha eń kóp grant pedagogıkalyq baǵytqa — 1 440 adamǵa, medısınalyq salaǵa — 770 adamǵa, al agrarlyq mamandyqtarǵa — 543 túlekke berildi. Qalǵan 4 928 túlek ınjenerlik, IT jáne áleýmettik-ekonomıkalyq baǵyttardy tańdaǵan.
Budan bólek, oblystyń 27 túlegi Qytaı Halyq Respýblıkasyndaǵy Sınszıan ýnıversıtetinde tegin oqýǵa múmkindik aldy. Onyń ishinde Talǵar aýdanynan - 6, Ile aýdanynan - 7, Eńbekshiqazaq pen Qarasaı aýdandarynan - 3, Jambyl aýdanynan - 2, Alataý qalasy - 2 jáne Qonaev qalasynan - 4 túlek bar.
Sonymen qatar, oblys ákiminiń bastamasymen jergilikti bıýdjetten 30 grant bólindi: onyń 17-si — medısınalyq baǵytqa (sonyń ishinde 12-si ınternderge), 7-si — agrarlyq, al 6 grant — pedagogıkalyq mamandyqtarǵa arnalǵan.
