Osy kezeńde ortalyqtarda 1,6 myńnan astam is-shara ótkizilgen. Jastar qala ómiriniń mádenı, bilim berý, ekologııalyq jáne eriktilik baǵyttaryna belsendi qatysyp keledi. NEET sanatyndaǵy (oqymaıtyn jáne jumys istemeıtin) jastarǵa erekshe kóńil bólingen.
Máselen, bıyl 6,2 myńnan astam adamǵa eńbekke ornalasý jóninde keńes berilip, 3,9 myńnan astam jas turaqty jumysqa turǵan. Sondaı-aq, 1 myńǵa jýyq jasqa psıhologııalyq, al 1,3 myńnan astam ótinish boıynsha zańgerlik kómek kórsetilgen.
Komıýnıtı ortalyqtardyń jumysy júıeli túrde uıymdastyrylǵan. Onda jastardyń áleýeti baǵalanyp, jeke damý baǵyty aıqyndalady, oqý men tálimgerlik baǵdarlamalarǵa jáne ári qaraı jumysqa ornalasýǵa múmkindik beriledi. Ár ortalyq óz aýdanynyń ereksheligi men jastardyń suranysyna saı jobalardy júzege asyrady.
Qalalyq jastar saıasaty basqarmasynyń málimetinshe, jyl sońyna deıin ár aýdanda ekiden ortalyq ashylyp, olardyń jalpy sany artady.
Búginde Almatyda qala ákimdiginiń jobalyq keńsesiniń qoldaýymen 11 komıýnıtı ortalyq jumys isteıdi. Bul jaı ǵana kovorkıngter emes, jastardyń pikir almasyp, múmkindigin damytyp, kómek ala alatyn ortalyq alańdary. Munda psıhologııalyq jáne zańgerlik keńes alyp, kásibı baǵdardan ótip, túrli saladaǵy sheberlerdiń dárisine, trenıng jáne zııatkerlik oıyndarǵa qatysýǵa bolady.
