Bilim basqarmasy basshysynyń orynbasary B.Musahannyń tóraǵalyǵymen ótken jıynǵa qalanyń barlyq jeke jáne memlekettik bilim berý mekemeleriniń birinshi basshylary qatysty.
Is-sharaǵa quqyq qorǵaý organdarynyń – Polısııa departamentiniń (PD), Tótenshe jaǵdaılar departamentiniń (TJD) jáne Ulttyq qaýipsizdik komıtetiniń Astana qalasy boıynsha departamentiniń (UQKD) ókilderi qatysty.
Oqýshylardyń qaýipsizdigin qajetti deńgeıde qamtamasyz etý ýákiletti organdar qabyldaıtyn is-sharalar júıesin qamtıdy.
Keńeste bilim berý uıymdaryndaǵy qaýipsizdikti qamtamasyz etýge qatysty ózekti máseleler qaraldy.
Olar:
• memlekettik jáne jeke bilim berý uıymdaryndaǵy órt qaýipsizdigi talaptarynyń saqtalýy;
• antıterrorlyq qorǵanys sharalaryn qamtamasyz etý jáne kúzet qyzmetterimen ózara is-qımyl;
• terrorızm qateri týyndaǵan jaǵdaıdaǵy bastapqy is-qımyldar boıynsha profılaktıkalyq is-sharalar ótkizý;
• terrorızmge qarsy qorǵanys pasporttary men nusqaýlyqtary boıynsha túsindirý jumystaryn júrgizý, sondaı-aq terrorızm aktileri týraly kórineý jalǵan aqparat taratqany úshin jaýapkershilik máseleleri;
• 2022 jylǵy 30 naýryzdaǵy №117 buıryqtyń 6-taraýynyń talaptaryna sáıkes dybystyq habarlaý jáne daýys habarlamalaryn taratý júıeleriniń jumysqa jaramdylyǵyn tekserý jáne qamtamasyz etý máseleleri.
Sondaı-aq qaýipsizdikti jaqsartý jáne nyǵaıtý jónindegi is-sharalar talqylandy, sondaı-aq odan ári is-qımyldar úshin usynystar ázirlendi.
Bilim berý obektilerindegi qaýipsizdik deńgeıin arttyrý maqsatynda basqarma osy baǵyttaǵy qaýipsizdikti jaqsartýǵa jáne nyǵaıtýǵa baǵyttalǵan is-sharalardy udaıy júrgizetin bolady.
