Keıingi eki jylda úsh pıtchıng (kınojobany qarjylandyrýǵa nıetti ınvestorlardy tartý maqsatynda ótkiziletin vızýaldy tanystyrylym) ótkizilip, nátıjesinde 57 jobanyń 40-y jas kınematografısterdiń enshisine buıyrǵan.
Byltyr konkýrsqa irikteý ashyq ótken. Qujattar elektrondy qabyldanyp, sarapshylar keńesiniń daýys berýi jetildirildi. Qazaq tilindegi ssenarııler úlesi 75%-ǵa jetken.
«Qaitadan» fılmi otandyq prokatta 1 mıllıard teńgeden astam kassa jınap, joǵary nátıje kórsetti. Týyndy memlekettik ınvestısııalardy bes ese aqtap, memlekettik qoldaý tetiginiń tıimdiligin dáleldedi.
Qazaq kıno óneri halyqaralyq deńgeıde turaqty oryn ala bastady. Keıingi 30 jyl ishinde alǵash ret elimiz Kann kınofestıvali aıasyndaǵy iri «Marché du Film» kınonaryǵyna qatysyp, «KazakhCinema» ulttyq stendi arqyly otandyq jobalardy damytýǵa mańyzdy múmkindik týǵyzdy. Kann qalasynda Fransııa men Grýzııanyń ulttyq kınoortalyqtarymen memorandýmdarǵa qol qoıyldy. Al Aqtaýda Ázerbaıjan, Qyrǵyzstan, Túrkııa, Túrikmenstan jáne О́zbekstannyń kıno uıymdarymen yntymaqtastyq týraly kelisimder jasaldy.
Halyqaralyq jobalar qatarynda Lokarno men Pýsan festıvalderinde usynylǵan «Skazka o morskıh psah» atty derekti fılm jáne «Pobedıteleı vıdno na starte» atty birlesken fılm bar. Osylaısha, otandyq kıno óneri jańa belesterdi baǵyndyryp, eldegi jáne sheteldik kórermen nazaryn aýdarýǵa jol ashyp keledi.
