El bolashaǵyn aıqyndaıtyn kún

Oral qalasyndaǵy kóp etnosty «Omega» prıbor qurastyrý zaýytynyń uıymshyl ujymy jasampaz eńbekke bir kisideı jumylǵan. Keshe osynda alda ótetin Prezıdenttik saılaýǵa qoldaý kórsetý jónindegi eńbek ujymynyń jıyny ótkizildi. Ony ashqan kásiporynnyń bas dırektory Erbolat Abdolov jumysshylar men ınjener-tehnık qyzmetkerlerdi 26 sáýirde ótetin Prezıdent saılaýy kúni daýys berýge belsene qatysýǵa shaqyrdy. Prezıdent saılaýynda árbir qazaqstandyqtyń óz júrek qalaýlaryn bildirýiniń mańyzy zor. О́ıtkeni, bul kún el bolashaǵyn, onyń áleýmettik-ekonomıkalyq turǵydan yrǵaqty túrde damýyn aıqyndaı alady. Iаǵnı, on segizge tolǵan ár jasóspirimnen bastap daýys berýge quqyly barlyq azamattar tizimde kórsetilgen Prezıdenttikke kandıdat­tardyń birine daýystaryn berý arqyly óz memleketiniń kemel keleshegine aıqyn kóz tastaı alatyn bolady, dedi ol odan ári. Al «Omega» zaýytynda tabany kúrekteı jıyrma bes jyl eńbek etip qurmetti eńbek demalysyna shyqqan maıtalmen ardager Pavel Larshın saılaýǵa qatysý – otanshyldyq pen patrıotızmniń kórinis berýi ǵana emes, sonymen birge árbir qazaqstandyqtyń azamattyq paryzy. Budan da góri túsinikti tilmen aıtqanda, búgingi óskeleń urpaqtyń bolashaǵy qandaı bolatyndyǵy jónindegi qazirgi qazaqstandyq qoǵam músheleriniń jaýapkershiligi degen túıin jasady. Elektrmen dánekerleýshi Aslan Aımaǵanbetovtiń aıtýynsha, aldymyzda turǵan Prezıdent saılaýy elimizge túbegeıli ózgerister ákelýi tıis. Ol 26 sáýirde saılaý ýchaskelerine bir kisi­deı kelip, ózi laıyqty dep sanaǵan kandı­datqa daýys berip ún qosýdyń qajet­tiligin osy tustan taba alatynyn jetkizdi. Jıyn sońynda zaýyt qyzmetkerleri barsha qazaqstandyqtardy aldaǵy 26 sáýirde ótkiziletin Qazaqstan Respýblıkasy Prezıdentin saılaýda, daýys berýge shaqyratyndyqtary jóninde tıisti qarar qabyldady. Temir QUSAIYN, «Egemen Qazaqstan». ORAL.