Foto: primeminister.kz
Mınıstrdiń aıtýynsha, 2026 jyly jalpy ishki ónimniń naqty ósýi 5,4%-dy quraıdy.
«Bazalyq nusqaǵa sáıkes, 2026 jyly jalpy ishki ónimniń naqty ósýi 5,4%-dy, 3 jyldaǵy ortasha jyldyq ósýi 5,3%-dy quraıdy. Nomınaldy jalpy ishki ónim 2026 jylǵy 183,8 trln teńgeden 2028 jyly 229,8 trln teńgege deıin ósedi. Ekonomıkanyń ósýi naqty sektor men qyzmet kórsetý salasyndaǵy ósýdiń esebinen qamtamasyz etiledi», dedi Serik Jumanǵarın.
Sonymen qatar Serik Jumanǵarın Qazaqstannyń óńdeý ónerkásibinde ınvestısııalyq jobalardy júzege asyrý esebinen ósý qarqyny 2026 jylǵy 6,2%-dan 2028 jyly 6,6%-ǵa deıin ulǵaıatyny boljanyp otyrǵanyn atap ótti.
«Úsh jyldaǵy ortasha ósim taý-ken ónerkásibinde – 2,8%-dy, aýyl sharýashylyǵynda – 3,9%-dy, qurylysta – 11%-dy, kólik qyzmetterinde – 10,1%-dy, saýdada – 6,7%-dy quraıdy. Eksport 2026 jylǵy $77,1 mlrd-tan 2028 jyly $83,7 mlrd-qa deıin, ımport $67,7 mlrd-tan $75,2 mlrd-qa deıin ósedi dep boljanýda», dedi vıse-premer.
Bul rette ınflıasııa boljamy 2026 jyly 9-11%, 2027-2028 jyldary ortasha 6% deńgeıinde aıqyndalǵan. Makroekonomıkalyq kórsetkishterdiń boljamy negizinde 2026-2028 jyldarǵa arnalǵan bıýdjet pen Ulttyq qor parametrleriniń boljamy qalyptastyryldy.
