Týrızm jáne sport mınıstrliginiń qoldaýymen ótetin jarystyń júlde qory 115 000 AQSh dollaryn qurap otyr. Respýblıkalyq ústel tennısi federasııasy taratqan málimetke súıensek, týrnırde Ońtústik Koreıa, Qytaı, Mysyr, Majarstan, Malaızııa, Iran, Saýd Arabııasy, basqa da memleketterden keletin 250-den asa oıynshy óner kórsetedi. Olardyń qatarynda álemdik reıtıngte TOP-100-dikke engen saqa sportshylar da bar. Jarys jolyna eresekterden bólek, jastar men jasóspirimder de shyǵady.
Elimizdiń namysyn Kırıll Gerasımenko, Alan Qurmanǵalıev, Aıdos Kenjeǵulov, Eskendir Harkı, Záýresh Aqasheva, Sarvınoz Mirqadyrova, Janerke Kóshkimbaeva, Ánel Baqyt syndy kóptegen asa iri halyqaralyq dodalarda daralanǵan sheberler qorǵaıdy.
