Foto: Aýyl sharýashylyǵy mınıstrligi
Germanııa, Chehııa, Avstrııa, Belarýs, Iran, Reseı jáne Qytaıdy qosa alǵanda barlyǵy 25 elden 300-den astam kompanııa qatysyp jatqan KazAgro/KazFarm kórmeleri agrarlyq sektorǵa arnalǵan zamanaýı tehnologııalar men sheshimderdi usynady – drondar men dál eginshilik júıelerinen bastap jasandy ıntellekt negizindegi ıntellektýaldy platformalarǵa deıin. Álemniń jetekshi agrarlyq derjavalarynyń ulttyq pavılondary ósimdik pen mal sharýashylyǵy, sıfrlandyrý jáne turaqty óndiris salalaryndaǵy ınnovasııalardy tanystyryp jatyr.
О́nerkásiptik kooperasııany damytý, tájirıbe almasý jáne eki el arasyndaǵy ınvestısııalyq ózara is-qımyldy keńeıtý maqsatyndaǵy negizgi is-sharalardyń biri – Qazaqstan-Belarýs forýmy, eki el arasyndaǵy agrarlyq áriptestiktiń deńgeıi joǵary.
Aýyl sharýashylyǵy mınıstrliginiń málimetinshe bıylǵy kórme sheńberinde jastar bastamalary men sıfrlyq tehnologııalarǵa erekshe kóńil bólingen. «Aýyl» partııasynyń uıymdastyrýymen ótken AgroHackathon sheńberinde agrarlyq joǵary oqý oryndarynyń stýdentteri «aqyldy» eginshilik, bıotehnologııa jáne ónimdilikti sıfrlyq monıtorıngteý baǵyttaryndaǵy startap-jobalaryn tanystyryp jatyr. Eń úzdik jobalar eksperttik jáne ınvestısııalyq qoldaýǵa ıe bolady.
