Merekelik jıynǵa «Shestoı post» fılminde basty róldi somdaǵan Sanýrjan Súleımenov arnaıy shaqyrylyp, el qaýipsizdigin qamtamasyz etip júrgen quqyqtyq tártip áskeri ókilderine qurmetin jetkizdi ári «Shestoı post» fılminiń túsirilimi kezinde áskerı ómirdiń jaýapkershiligi men erliktiń mánin tereń túsingenin atap ótti.
«Áskerılerdiń eńbegi – kórinbeı jasalatyn, biraq eldiń tynyshtyǵy úshin sheshýshi ról atqaratyn qyzmet. Sol eńbekti baǵalaý – ár azamattyń boryshy. El tynyshtyǵyn saqtap júrgen ár sarbazǵa alǵysymyz sheksiz, – dedi S. Súleımenov.
Saltanatty shara barysynda qatysýshylardy Respýblıka kúnimen quttyqtaǵan «Ońtústik» óńirlik qolbasshylyǵynyń qolbasshysy general-maıor Talapker Ámireev, bul mereke – el táýelsizdigi men memlekettiliktiń qalyptasý jolyndaǵy halyqtyń birligi men yntymaǵyn pash etetin mańyzdy kún ekenine toqtaldy. "Respýblıka kúni – elimizdiń jańa dáýirge qadam basqan tarıhı sátin aıshyqtaıtyn erekshe mereke, áskerı qyzmetshilerdiń mindeti – osy táýelsizdiktiń, tynyshtyq pen turaqtylyqtyń kepili bolý",- dedi general-maıor.
Mereke aıasynda qyzmettik boryshyn adal atqaryp júrgen áskerı qyzmetshiler men birqatar kesh qonaqtary marapattaldy. Sonyń ishinde Sanýrjan Súleımenovke QR IIM orynbasary – Ulttyq ulan Bas qolbasshysynyń buıryǵymen «Qoǵamdyq tártipti saqtaǵany úshin» tós belgisi tabystaldy.
Is-shara barysynda Respýblıka kúnine arnalǵan derekti fılm kórsetildi. Fılmde el táýelsizdiginiń qalyptasýy, memlekettik rámizderdiń qabyldanýy jáne qazaq áskeriniń damý tarıhy baıandaldy.
