Qozǵalys ókilderi bul merekeni el taǵdyryn óz qolyna alǵan, ózgeristerge bastamashy jańa býynnyń kúni dep atady.
«Bizdiń árqaısymyz — elimizdiń bir bólshegimiz. Biri rıngte kúresedi, biri sahnadan shabyt beredi. Biri sýret salady, biri beınege túsiredi. Árkim óz isimen aınalysady — bárimiz birge Jańa Ádiletti Qazaqstandy quramyz», — delingen quttyqtaýda.
Uıym jastardy el bolashaǵyna nemquraıly qaramaı, ózinen bastalatyn jaýapkershilikti sezinýge shaqyrdy.
«Respýblıka kúni — jaı ǵana kúntizbedegi kún emes. Bul — ony quryp jatqan adamdardyń kúni. Bul — biz, jaýapkershilikti óz moınymyzǵa alyp, áreket etip, ózgeristerdi ózimizden bastaýymyz. El — basqa bir jerde emes ekenin túsiný. El degen — biz. Bul men. Men — Qazaqstanmyn», — dep atap ótti qozǵalys ókilderi.
