Aǵymdaǵy jyldyń maýsym aıynan bastap qazan aıyna deıin Rezervke irikteý júrgizildi. Qujattardy qabyldaý kezeńinde jobanyń resmı saıtynda 31 859 adam tirkeldi, bul elimizdiń jas mamandary tarapynan jobaǵa degen joǵary qyzyǵýshylyqty kórsetedi.
Tórtinshi irikteýdiń basty jańashyldyǵy – memlekettik apparat úshin asa suranysqa ıe salalyq baǵyttar boıynsha Rezervti qalyptastyrý boldy. Kandıdattar belgilengen kvotalarǵa sáıkes qabyldandy:
- «ınfraqurylymdy, ónerkásipti damytý jáne saýda saıasaty» baǵyty boıynsha – 8 adam;
- «agroónerkásiptik keshen jáne qorshaǵan ortany qorǵaý» baǵyty boıynsha – 9 adam;
- «syrtqy saıasat jáne ınvestısııalar» baǵyty boıynsha –
8 adam; - «ekonomıkalyq jáne qarjylyq saıasat» baǵyty boıynsha –
7 adam; - «sıfrlandyrý» baǵyty boıynsha – 9 adam;
- «áleýmettik saıasat jáne azamattyq qoǵam» baǵyty boıynsha – 9 adam.
Jańadan qabyldanǵan rezervshilerdiń tolyq tizimi pkrezerv.gov.kz jobanyń resmı saıtynda jarııalandy.
Rezervke alynǵan sátten bastap úsh jyl ishinde rezervshiler saıası memlekettik laýazymdarǵa, «A» korpýsynyń ákimshilik memlekettik laýazymdaryna, sondaı-aq «B» korpýsynyń basshylyq laýazymdaryna taǵaıyndalýy múmkin.
