Foto: Úkimettiń baspasóz qyzmeti
Kezdesý barysynda Úkimet basshysy Memleket basshysy Qasym-Jomart Toqaevtyń AQSh-pen strategııalyq seriktestikti nyǵaıtýǵa aıryqsha mán beretinin atap ótti. Ol bul kelissózder ekijaqty yntymaqtastyqtyń áleýetin tolyq iske asyrýǵa múmkindik beretin mańyzdy qadam ekenin aıtty.
Qazaqstan Úkimeti sheteldik, onyń ishinde amerıkalyq ınvestorlar úshin de qolaıly jaǵdaılar qalyptastyrýǵa baǵyttalǵan júıeli reformalardy jalǵastyryp keledi. QR Ulttyq bankiniń dereginshe, 1993 jyldan beri AQSh-tan tartylǵan tikeleı ınvestısııalar kólemi $61,2 mlrd-tan asty, bul eldegi jalpy TShI-diń 13 paıyzynan kóp. Sońǵy bes jylda ózara saýda aınalymy eki eselenip, $4,2 mlrd-qa jetken.
Taraptar ónerkásip, energetıka, aýyl sharýashylyǵy, kólik-logıstıka jáne sıfrlyq tehnologııalar salalaryndaǵy ózara is-qımyldy keńeıtý joldaryn qarastyrdy.
Sonymen qatar, eki el arasyndaǵy yntymaqtastyqty damytý perspektıvalary týraly Premer-mınıstrdiń orynbasary – ulttyq ekonomıka mınıstri Serik Jumanǵarın, saýda jáne ıntegrasııa mınıstri Arman Shaqqalıev, energetıka mınıstri Erlan Aqkenjenov, kólik mınıstri Nurlan Saýranbaevtar baıandama jasady.
Kólik-tranzıt salasyndaǵy jańa túıisý núktelerine nazar aýdaryldy. Energetıka sektorynda birlesken jobalar sheńberinde ozyq tehnologııalardy jańǵyrtý men engizýdiń mańyzdylyǵy atap ótildi. AО́K salasyndaǵy áriptestik mańyzdy baǵyt bolyp sanalady. Qazaqstan álemdegi astyq pen undy eń iri eksporttaýshylardyń ondyǵyna kiredi. Osy rette astyqty tereń óńdeı otyryp, odan ári AQSh, EO, Qytaı jáne Úndistan naryqtaryna eksporttaý boıynsha birlesken jobalar talqylandy.
Sıfrlyq salada Alem.AI halyqaralyq jasandy ıntellekt ortalyǵy men Astana Hub tehnoparkiniń áleýetin paıdalaný arqyly seriktestikti nyǵaıtý josparlanyp otyr. Búginde onda 1700-den astam kompanııa jumys istep jatyr. Sondaı-aq Kalıfornııa shtatynda ashylǵan Silk Road ınnovasııalyq ortalyǵy arqyly AQSh-tyń jetekshi kompanııalarymen birlesken akselerasııalyq baǵdarlamalar júzege asyrylyp otyr.
Kezdesý sońynda taraptar saýda-ekonomıkalyq qatynastardy barlyq baǵyttar boıynsha tereńdetýge daıyn ekenderin rastady.
