Foto: istockphoto.com
Aqtóbe oblystyq polısııa departamentiniń málimetinshe, 27 qazan kúni Aqtóbe qalasyndaǵy Baýyrlastar turǵyn aýdanynda 13 jastaǵy bala ákesiniń kóliginiń kiltin ruqsatsyz alyp, kólik aıdaǵan. Jasóspirim kólikti basqara almaı, jol apatyna túsken. Saldarynan oqýshy aýyr jaraqat alyp, aýrýhanada kóz jumǵan.
«Atalǵan fakti boıynsha sotqa deıingi tergeý bastaldy. Qazirgi ýaqytta oqıǵanyń barlyq mán-jaıy anyqtalyp jatyr. Polısııa ata-analarǵa balalarǵa kólik júrgizýge ruqsat bermeý kerektigin eskertedi», delingen habarlamada.
Esterińizge sala keteıik, bıyl 2 qyrkúıekte dál osy aýmaqta taǵy bir 16 jastaǵy jasóspirim ákesiniń kóligin aıdap shyǵyp, apat saldarynan kóz jumǵan edi.
