Jıynda HII Azamattyq forým formatynyń tıimdiligi, forým barysyndaǵy usynymdar, ÚEU biliktiligin arttyrý máseleleri, sondaı-aq azamattardyń sheshim qabyldaýǵa qatysýyn keńeıtýdegi sıfrlandyrý men jasandy ıntellektiniń róli talqylandy.
Is-sharaǵa memlekettik organdar men akademııalyq qaýymdastyq ókilderi, ÚEU músheleri men sarapshylar qatysty.
Mádenıet jáne aqparat mınıstrligi Azamattyq qoǵam isteri komıtetiniń tóraǵasy Gúlbara Sultanova kirispe sózinde XII Azamattyq forýmnyń nátıjelerine jan-jaqty taldaý jasap, negizgi jetistikter men ózekti máselelerge toqtaldy. Onyń ishinde azamattyq qoǵam ınstıtýttarymen ózara is-qımyl salasyndaǵy memlekettik saıasatty odan ári jetildirý baǵyttaryn atap ótti.
Jıynǵa Qazaqstandyq qoǵamdyq damý ınstıtýty Qoǵamdyq prosesterdi zertteý ortalyǵynyń basshysy Rızzat Tasym moderator boldy.
«Azamattyq forým 2003 jyldan bastap memleket pen qoǵamdyq birlestikterdiń yntymaqtastyǵyn nyǵaıtý, ózekti mindetterdi anyqtaý jáne azamattyq sektordy damytý máselelerin talqylaýǵa arnalǵan turaqty alańǵa aınaldy. Onyń ishinde bıylǵy forým «Ádiletti Qazaqstan: azamattyq qoǵam men memlekettiń seriktestigi» taqyryby aıasynda jaýapkershilik pen senimge negizdelgen qoǵamdyq dıalogti jańa deńgeıge kóterýge degen umtylysty kórsetti. Sondyqtan dıalog úzdiksiz bolýy keregin jáne talqylanatyn máselelerdiń aýqymyn eskerip, «SARAP» eksperttik klýbynyń otyrysyn XII Azamattyq forýmnyń qorytyndylaryna arnaımyz dep sheshtik», dedi ol.
«Qazaqstannyń Azamattyq Alıansy» ZTB vıse-prezıdenti Gúlnar Qurbanbaeva bıylǵy azamattyq forýmnyń uıymdastyrý barysyna toqtalyp, H jáne HI forýmdarda aıtylǵan usynymdardyń júzege asý nátıjesin baıandady.
«Taldaý kórsetkendeı, H jáne HI forýmdarda aıtylǵan, Úkimet josparlaryna engizilgen usynystardyń basym bóligi júzege asyryldy. Bul úderisti azamattyq qoǵam ınstıtýttarynyń taldamalyq jáne zertteý jumystary súıemeldedi, bul usynylǵan sharalardyń obektıvtigi men tájirıbelik mańyzyn arttyrýǵa múmkindik berdi»,dedi spıker.
Qazaqstandyq qoǵamdyq damý ınstıtýtynyń sarapshysy Temirlan Tóleý «Memlekettik qarjylandyrý aıasyndaǵy ÚEU áleýmettik jobalarynyń tıimdiligin baǵalaý» atty zertteý jumysynyń nátıjelerin tanystyrdy.
«Zertteý qatysýshylarynyń, sarapshylardyń, ÚEU ókilderi men benefısıarlardyń pikiri bir arnada toǵysady: áleýmettik jobalar, ásirese, memleket qarjylandyratyn jobalar – maqsatty toptardyń máselelerin sheshýde tıimdi qural. Degenmen qazirgi ýaqytta áleýmettik jobalardy iske asyrý mehanızmi tolyq jetilmegen, birneshe problemalyq tusy bar. Negizgi máseleniń biri – qarjylandyrýdyń qysqamerzimdi sıpaty. Saýalnamaǵa qatysýshylardyń aıtýynsha, bul faktor áleýmettik jobalardyń turaqty nátıjelerge qol jetkizýine jáne olardyń uzaqmerzimdi yqpalyna aıtarlyqtaı áser etedi», dedi sarapshy.
Al Astana IT ýnıversıtetiniń assıstent-professory, PhD Mergen Dúısenov jasandy ıntellektiniń azamattyq qoǵamnyń damýyndaǵy róline tereńirek toqtaldy.
«Jasandy ıntellekt azamattyq qoǵam úshin qoǵamdyq derekterdi taldaýdan bastap, sheshimder qabyldaý prosesine birlese atsalysýǵa deıingi jańa múmkindikterge jol ashady. Buryn azamattar baqylaýshy nemese pikir bildirýshi rólinde bolsa, endi olar JI kómegimen sıfrlyq basqarýdyń tolyqqandy qatysýshylaryna aınala alady», dedi ol.
Odan bólek, «Senimen Bolashaq» RQB tóraǵasy Jansaıa Berdimuratqyzy úkimettik emes uıymdardyń biliktiligin arttyrý jóninde baıandama jasady. Al L.N. Gýmılev at. EUÝ Fılosofııa kafedrasynyń aǵa oqytýshysy, PhD Tolǵanaı Mustafına JI salasyndaǵy elimizdiń múmkindikteri týraly aıtty.
Is-shara aıaǵynda qatysýshylar ózara pikir almasyp, usynystaryn ortaǵa saldy ári aldaǵy ýaqytta osy saladaǵy bastamalardyń sátti júzege asyrylýyna múddeli ekenin jetkizdi.
