Týrnır Qazaqstan, Qyrǵyzstan, О́zbekstan, Ázerbaıjan jáne Túrkııadan kelgen parasportshylardy biriktirip, túrki álemi elderi arasyndaǵy dostyqty, ınklıýzııany jáne mádenı baılanysty nyǵaıtý alańyna aınaldy.
«Aqtaý – Túrki áleminiń mádenı astanasy 2025» baǵdarlamasy aıasynda 25-31 qazan aralyǵynda jalaýyn jelbiretken sport dodasynyń seriktesi «Ksell» AQ (activ brendimen) ulttyq uıaly baılanys operatory boldy.
«Biz úshin jergilikti activ brendiniń týrnır seriktesi bolýy erekshe mańyzdy. Ulttyq brendtiń qoldaýy bul oqıǵaǵa aıyryqsha mán beredi. activ baılanys operatory sııaqty, mundaı bastamalar fızıkalyq múmkindikterge qaramastan barlyǵymyzdy biriktirdi», deıdi Mańǵystaý oblysy Bochcha federasııasynyń atqarýshy dırektory Qarlyǵash Álmuhambetova.
Seriktestik aıasynda kompanııa is-sharany uıymdastyrýǵa qoldaý kórsetip, qatysýshylarǵa fırmalyq kádesyılar men syılyqtar usyndy.
«Biz adamnyń múmkindigin basqa qyrynan ashatyn, osylaısha kópshilikti shabyttandyratyn oqıǵany qoldaǵanymyzdy maqtan tutamyz. activ brendi – adamdar, mádenıet jáne turaqty alǵa umtylýdy bildiredi. Osyndaı bastamalar arqyly birigýdi jáne kemeldenýge umtylatyn myqty jáne ashyq Qazaqstan ıdeıasyn qoldaımyz», dep túsindirdi «Ksell» AQ Basqarma Tóraǵasy Asqar Jambakın.
Halyqaralyq bochcha týrnıri Halyk Arena alańynda ótti jáne halyqaralyq mártebege ıe. Ol paralımpıadalyq sportty damytýǵa, erekshe qajettilikteri bar adamdardy áleýmettik beıimdeýge jáne qoǵamdaǵy ınklıýzıvti qundylyqtardy ilgeriletýge baǵyttalǵan.
Týrnır qorytyndysy boıynsha Ázerbaıjan komandasynan keıin Qazaqstan komandasy 2-orynda tur. Sportshylarymyz 2 altyn, 8 kúmis jáne 3 qola medal jeńip aldy. Úshinshi oryndy О́zbekstannan kelgen komanda enshiledi. Taǵy bir qazaqstandyq komanda joǵary daıyndyq pen komandalyq rýhtyń bıik deńgeıin kórsete otyryp, 4-orynǵa ıe boldy.
Aıta keteıik, bochcha – ózara úılesimdilikti, strategııalyq oılaýdy jáne birigýdi damytatyn paralımpıadalyq sport túri. 2025 jylǵy týrnırge túrkitildes bes elden 80-nen astam sportshy qatysty.
