Is-sharaǵa Shymkent qalasynyń prokýrory Ǵabıt Muqanov, qala ákiminiń orynbasary Sársen Quranbek, qyryq eki memlekettik jáne quqyq qorǵaý organdarynyń ókilderi, sondaı-aq jeke sot oryndaýshylar, notarıýstar, advokattar men kommýnaldyq mekemelerdiń ókilderi qatysty. Buǵan qosa, qala jastarynyń qatysýymen eriktiler uıymy da óz qyzmetin kórsetti.
Kelýshiler jetekshi mamandardan tegin quqyqtyq keńes alyp, ózderin tolǵandyrǵan máselelerge naqty jaýap aldy.
«Halyq zańgeri» jobasy búginde halyqtyń quqyqtyq saýattylyǵyn arttyrý men azamattardy quqyqtyq qoldaýdyń suranysqa ıe jáne tıimdi alańyna aınaldy. 2016 jyldan bastap respýblıka kóleminde ótkizilip kele jatqan bul aksııa aıasynda azamattarǵa bilikti zańgerler men memlekettik organdardyń basshylary tegin keńes beredi.
Shymkent qalasynyń prokýrory Ǵabıt Muqanov óz sózinde atap ótti.
«Ejelgi grek fılosofy Platon aıtqandaı: «Kúshti memleket – qorǵalǵan azamattan bastalady! Sondyqtan búgin osynda barlyq memlekettik jáne quqyq qorǵaý organdarynyń ókilderi ár azamatqa tegin ári qoljetimdi zań kómegin kórsetý úshin bir alańda jınalyp otyr» – dedi qala prokýrory.
Aksııa barysynda 1000-nan astam qala turǵyny otbasylyq, eńbek, jer, azamattyq jáne ákimshilik zańnama salalary boıynsha bilikti zańgerlerden tegin keńes aldy.
Sonymen qatar, turǵyndarǵa quqyqtaryn qorǵaý joldary, memlekettik organdarǵa júginý tártibi jáne tegin zań kómegin alý tetikteri túsindirildi.
«Halyq zańgeri» respýblıkalyq aksııasy óz jumysyn jalǵastyryp, árbir azamattyń quqyqtyq saýatyn arttyrýǵa, ádildik pen zań ústemdigin nyǵaıtýǵa baǵyttalǵan bastamalardy júzege asyra bermek.
