Jylý júıesi qala menshigine qaıtarylady

Seriktestik OAOEK qura­myndaǵy «Soltqazenergo» AQ-ǵa qaraıdy. «Soltqazenergo» kásip­orny – «Ortalyq Azııa elektr-energetıkalyq korpora­sııasynyń» (OAEK) enshiles kásiporyny. Osy OAEK korporasııasy da OAOEK-ge qaraıdy. Báriniń ústinde turǵan OAOEK-tiń 50%, sondaı-aq OAEE-niń 47,1% aksııasy iri kásipker Aleksandr Klebanovqa tıesili.

Sóıtip, kompanııa bir kezde aýksıon arqyly alǵan kásip­oryndy qaıtadan qala bıligine satpaqshy. Kásip­orynnyń problemalary óte kóp, byltyrǵy saraptama boıyn­sha, qala men qala tóńiregine jylý tara­ta­tyn qubyrlardyń 70%-y eskir­gen. Jalpy, halyqqa qyzmet kórsetetin mundaı stra­tegııalyq kásiporyndar je­keniń qolyna berilmegeni jón. Ázirge korporasııa men ákimdik arasyndaǵy mámileniń sharttary belgisiz. Onyń qanshaǵa satylatyny da aı­tylmaıdy. Ákimdiktiń bas­pa­sóz qyzmeti bergen aqpa­ratta «Qalalyq ákimdik pen «Solt­qaz­energo» AQ arasynda «Pet­ropavl jylý jelileri» JShS qa­la­nyń mýnısıpaldyq menshigine berý týraly kelissóz júr­gizilip jatyr. Mámileniń negizgi maqsaty – qalanyń jylýmen qamtý júıesin keshendi jańǵyrtý, energııa tıimdiligi men senimdiligin tıimdi basqarýdy arttyrý», dep jazylǵan. Jylý júıesiniń memleket menshigine qaıtarylýy tarıftiń turaqtanýyna yqpal etýge tıis. О́ıtkeni Úkimet tarıfti shekten tys kótermeýdi baqylaı alady. Monopolııaǵa qarsy kúres agenttiginiń jumysy da birshama jeńildeıdi.

Oblys pen qalaǵa, tipti kór­shiles  Reseıge energııa eksporttaıtyn JEO-2 kásiporny da OAEK-tiń enshiles kásiporny «Sol­tqazenergııa» AQ qaraıdy. Qala­lyqtardy ásirese osy kásip­orynnyń jumysy alańdatady. 2022 jyly onyń bir turbasy qulaǵannan beri halyq barlyq jylý men energııanyń qaınar kózi bolyp turǵan onyń aman bolýyn tilep júredi. Sol turǵyda jekemenshikke qa­raǵansha, jaq­sylyqty Úkimetten kútý halyq múddesine saı ekeni sózsiz.

PETROPAVL