Uzaqmerzimdi ınvestısııa tartý basymdyǵy

Oljas Bektenov óz só­zinde Memleket basshysy Qasym-Jomart Toqaev halyq­qa Joldaýynda jańa ınvestı­sııalyq sıkldi iske qosý qajet­tigin atap kórsetkenin basa aıtty. Basty mindet – memleket tek bıznesti súıemeldep qana qoımaı, jańa jobalardy qurý­ǵa, iske qosýǵa belsendi qatysa­tyn úlgige kóshý arqyly belsen­di ınvestısııalyq saıasatty júzege asyrý.

Úkimet ulttyq ekonomıka­ny transformasııalaý boıyn­sha júıeli jumys júrgizip otyr. Bıylǵy 9 aıda elimizdegi IJО́ kó­lemi 6,3%-ǵa ósti. Negizgi kapıtalǵa salynǵan ınvestı­sııa kólemi 13,5%-ǵa artyp, shama­men 13,8 trln teńgege jetti. Jal­py, Qazaqstannyń ınvestısııa­lyq deńgeıin álemniń jetek­shi reıtıngtik agenttikteri rastady. Atap aıtqanda, «Moody’s» elimizdiń uzaqmerzimdi reıtın­gin «Turaqty» degen boljammen táýelsiz Qazaqstan tarıhyn­daǵy eń úzdik kórsetkishke deıin kóterdi.

Strategııalyq mańyzy bar Trans­kaspıı halyqaralyq kólik baǵyty ınvestısııa úshin kele­shegi zor aımaq retinde aıqyndaldy. THKB boıynsha iri ınfraqurylymdyq birqatar joba, sonyń ishinde sheteldik kapıtal men halyqaralyq qarjy ınstıtýttarynyń qatysýymen júzege asyrylyp jatyr.

Memleket basshysynyń aýqym­dy sıfrlandyrý, jasandy ıntellekt tehnologııalaryn engizý jónindegi tapsyrmasyn júzege asyrýǵa erekshe nazar aýdaryldy. Ozyq sheshimderdi engizýge jáne startaptardy odan ári jedeldetýge baǵyttalǵan «Alem.ai» halyqaralyq JI orta­lyǵynyń ashylýy sıfr­lyq klas­terdi nyǵaıtýǵa yqpal etedi.

«Astana» halyqaralyq qar­­­jy ortalyǵynda bıznesti júr­gizý úshin biregeı jaǵdaı usynylady. AHQO bazasynda aǵyl­shyn quqyǵy ıýrısdık­sııa­sy zańdy rásimderdiń ashyqty­ǵyna kepildik beredi. Sondaı-aq Ortalyq «jasyl», ıslamdyq jáne ınnovasııalyq qarjy qu­raldaryn damytý úshin senimdi seriktes retinde qyzmet etedi.

Sonymen qatar Oljas Bektenov dóńgelek ústelge qaty­sý­shylarmen birqatar kezdesý ótkizdi. Onda agroónerkásip kesheni, energetıka, kommý­nal­dyq sektorlar jáne basqa da salalardaǵy aǵymdaǵy jáne perspektıvalyq jobalar aıasyn­da ınvestısııalyq ynty­maq­tastyq baǵyttary qaraldy.

Eýropalyq qaıta qurý jáne damý bankiniń vıse-prezı­denti Matteo Patronemen bank­tiń Qazaqstan aýmaǵynda ınfra­qurylymdyq jobalarǵa qatysý máseleleri talqylandy. Sondaı-aq shaǵyn jáne orta bıznesti damytý baǵyttaryna nazar aýdaryldy.

Reseı, Belarýs, Kavkaz jáne Ortalyq Azııa aımaǵy boıynsha «PepsiCo» kompanııasynyń prezıdenti Devıd Manzınımen kezdesý barysynda Almaty oblysynda qurylysy aqtalýǵa jaqyn turǵan zaýyt jónindegi jobanyń iske asyrylý barysy qaraldy. О́ńir ákimdikterine tıisti memlekettik organdarmen birlesip, ınvestısııalyq jobany qajetti ınfraqurylymdyq sheshimdermen qamtamasyz etýge odan ári járdemdesý tapsyryldy.

«Fufeng Group» dırektorlar keńesiniń tóraǵasy Lı Sıýechýnmen Jambyl oblysynda júgerini tereń óńdeý boıynsha tiginen ıntegrasııalanǵan ónerkásiptik park jobasyn júzege asyrýǵa kóńil bólindi. О́ndiris otandyq shıkizatqa negizdeletin bolady. Investor aldaǵy óndiristi iske qosý úshin «jyldam dáliz» tetigi sheńberinde qolaıly bıznes-ortany jáne jasalǵan jaǵdaılardy oń baǵalady.

Kezdesýlerdiń qorytyndysy boıynsha Oljas Bektenov el Úkimeti ınvestorlarǵa jan-jaq­ty qoldaý kórsetip jáne bız­nes-jobalardy tolyq súıe­mel­deýge basa nazar aýdara otyryp, qolaıly ınvestısııalyq ahýal­dy qalyptastyrýdy jalǵas­­ty­ratynyn atap ótti. Jańa ón­diristerdi iske qosý eldiń óner­kásiptik jáne eksporttyq ále­ýetin nyǵaıtý, sondaı-aq jańa ju­mys oryndaryn ashý úshin stra­­tegııalyq mańyzǵa ıe.