Áleýmettik jelide Almaty oblysy Shamalǵan aýyly mańynda túsirilgen vıdeo tarady. Kadrlarda birneshe júrgizýshi joldyń boıynda drıft jasap, ózge kólik júrgizýshileriniń ómirine qaýip tóndirgeni baıqalady.
Polısııa tekseris júrgizý barysynda oqıǵaǵa qatysqan barlyq tulǵa anyqtalyp, aýdandyq polısııa bólimshesine jetkizilgen.
Anyqtalǵandaı, quqyq buzýshylar Qarasaı aýdanynyń turǵyndary – 1999, 2003 jáne 2007 jyly týǵan azamattar. Olarǵa qatysty Ákimshilik quqyq buzýshylyq týraly kodekstiń jeti baby boıynsha ákimshilik materıaldar toltyryldy. Barlyq kólik quraldary arnaıy aıyp turaǵyna qoıylyp, júrgizýshiler kólik quralyn basqarý quqyǵynan 6 aı merzimge aıyryldy. Sonymen qatar, polısııa qyzmetkerleri quqyq buzýshylarmen profılaktıkalyq áńgime júrgizip, olarǵa qoldanystaǵy zańnama talaptary men ózderiniń jaýapsyz áreketteriniń saldaryn túsindirdi. Polısııa mundaı zań buzýshylyqtar tek ózderiniń ǵana emes, basqa da jol qozǵalysyna qatysýshylardyń ómiri men qaýipsizdigine tikeleı qaýip tóndiretinin atap ótti, - dep habarlady Almaty oblysy PD baspasóz qyzmeti.
Almaty oblysy.
