Donordyń týystarynyń kelisiminiń arqasynda birden birneshe ómirlik mańyzdy aǵzalardy transplantattaýǵa múmkindik týdy:
• júrek 1988 jyly týǵan pasıentke;
• baýyr-1982 jyly týǵan pasıentke;
• oń búırek – 1996 jyly týǵan pasıentke;
• sol jaq búırek – 2017 jyldyń qazan aıynan bastap transplantattaýdy kútken 1966 jyly týǵan pasıentke;
• móldir qabyq -1983 jáne 1956 jyly týǵan pasıentterge qondyryldy.
Prosesti uıymdastyrý men úılestirýdi Almatynyń jetekshi transplantattaý ortalyqtarymen birlesip, QR DSM Respýblıkalyq transplantattaýdy jáne joǵary tehnologııalyq medısınalyq qyzmetterdi úılestirý ortalyǵy qamtamasyz etti. Bul «Kardıologııa jáne ishki aýrýlar ǵylymı-zertteý ınstıtýty» AQ, «Syzǵanov atyndaǵy Ulttyq hırýrgııa ǵylymı ortalyǵy» AQ, Almaty qalasyndaǵy «Ortalyq qalalyq klınıkalyq aýrýhana» ShJQ KMK.
Donordyń jasyna qaramastan, dárigerler aǵzalardyń jaqsy jaǵdaıyn jáne olardyń odan ári jumys isteý múmkindigin atap ótti. Bul ómirdi saqtap qalýǵa kelgende jastyń kedergi emes ekenin taǵy bir ret rastaıdy.
Respýblıkalyq ortalyq donordyń otbasyna olardyń batyl sheshimi úshin, sondaı-aq úılesimdi jumysy asa kúrdeli prosesti joǵary deńgeıde júrgizýge múmkindik bergen medısına mamandaryna zor rızashylyǵyn bildiredi.
