Aldyn ala málimet boıynsha, Lexus RX300 kóliginiń júrgizýshisi rólge ıe bola almaı, qarsy baǵytqa shyǵyp ketip, Toyota Land Cruiser 100 jáne Toyota Camry avtokólikterimen soqtyǵysqan.
– Jol-kólik oqıǵasy saldarynan barlyq júrgizýshiler men jolaýshylar túrli jaraqattarmen Qaskeleń qalalyq aýrýhanasyna jetkizildi, – dep málimdedi oblystyq polısııa departamenti.
Toyota Land Cruiser kóliginiń júrgizýshisi men jolaýshysy aýyr halde jansaqtaý bóliminde jatyr.
Qazir oqıǵanyń sebepteri men mán-jaıy anyqtalyp jatyr.
– Aýa raıynyń qolaısyzdyǵyna baılanysty júrgizýshilerden abaı bolýdy, jyldamdyq rejımi men jol qozǵalysy erejelerin saqtaýdy suraımyz, – dep eskertti polısııa ókilderi.
