Jańa tásildiń basty ereksheligi – zeınetaqy aktıvterin basqarýshy kompanııalardyń qyzmetin kompozıttik ındekster arqyly baǵalaý. Bul ındekster Qazaqstan men álemdik qor naryqtarynyń kórsetkishterin biriktirip, basqarýdyń nátıjeliligin jahandyq ekonomıkalyq úrdister turǵysynan neǵurlym ádil baǵalaýǵa múmkindik beredi.
Sonymen qatar, basqarýshy kompanııalar salymshylarǵa ártúrli táýekel deńgeıi men tabystylyǵy bar ınvestısııalyq strategııalardy usynýǵa múmkindik alady.
Investısııalyq múmkindikter de keńeıtilmek – zeınetaqy aktıvterin ınvestısııalaýǵa arnalǵan qarjy quraldarynyń tizimi ulǵaıyp, ár baǵyt boıynsha naqty lımıtter belgilenedi.
Taǵy bir jańalyq – erikti túrde aktıvterdi qaıtarý tetigi engiziledi. Iаǵnı, basqarýshy kompanııalar zeınetaqy aktıvterin Ulttyq bankke qaıta tapsyrý quqyǵyna ıe bolady.
Agenttik málimetinshe, jańa tásilder zeınetaqy aktıvteriniń uzaqmerzimdi tabystylyǵyn arttyrýǵa, basqarýshy kompanııalar arasyndaǵy básekelestikti kúsheıtýge jáne salymshylarǵa óz jınaqtaryn ártaraptandyrý múmkindigin keńeıtýge baǵyttalǵan.
